Teri khushbu ka pata karti hai

[dur-e-shahwar]

teri khushbu ka pata karti hai
mujh pe ehsan hawa karti hai

shab ki tanhai main ab to aksar
guftagu tujh se raha karti hai

dil ko us rah pe chalna hi nahin
jo mujhe tujh se juda karti hai

zindagi meri thi lekin ab to
tere kahne main raha karti hai

us ne dekha hi nahin warna ye ankh
dil ka ehwal kaha karti hai

beniyaz-e-kaf-e-dariya angusht
ret par nam likha karti hai

sham parte hi kisi shakhs ki yad
kucha-e-jan main sada karti hai

mujh se bhi us ka hai waisa hi suluk
hal jo tera ana??? karti hai

dukh hua karta hai kuch aur bayan
bat kuch aur hua karti hai

abr barse to inayat us ki
shakh to sirf dua karti hai

masla jab bhi utha chiragon ka
faisala sirf hawa karti hai

[PRINCE SHAAN]

Bahut khoob ..................nice

[RoOZ SoOChTa HouN]

Kiya Baat Hai

[DiE]

masla jab bhi utha chiragon ka
faisala sirf hawa karti hai

buhat khobsorat

[jalpari]

very nice,..............

[life2]

nyc...

[jalpari]

zaberdast..............

[khwahish e benam]

sham parte hi kisi shakhs ki yad
kucha-e-jan main sada karti hai
zeberdasttttt......:bu: