ham saadaa hii aise the, kii yuuN hii paziiraa’ii

[Afreen]

ham saadaa hii aise the, kii yuuN hii paziiraa’ii
jis baar KhizaaN aa’ii samajhe ki bahaar aa’ii

aashob-e-nazar se kii hamne chaman-aaraa’ii
jo shai bhii nazar aa’ii gul-rang nazar aa’ii

ummiid-e-inaayat meN raNjiidaa rahe donoN
tuu aur terii mehfil, maiN aur merii tanahaa’ii

yak-jaan na ho sakiye anjaan na ban sakiye
yuuN TuuT ga’ii dil meN shamshiir-e-shanaasaa’ii

is tan kii taraf dekho jo qatl-gah-e-dil hai
kyaa rakkhaa hai maqtal meN ai chashm-e-tamaashaa’ii

Faiz Ahmed Faiz

[s_sableo]

wah wah wah bht khoob jee

[Owi]

laa-jawaab alfaaz hein

[SHAYAN]

Nice...

[Afreen]

boht shukiya....

[life2]

nyc....

[nadia88]

really awesome