mere pasand .........

[FarazAli]

Sumandar mein uturta hoon tu aankhein bheeg jaati hain
Teri aankhon ko parhta hoon tu aankhein bheeg jati hain
Tumhara naam likhney ki ijaazat chin gai jub se
Koi bhi lafz likhta hoon tu aankhein bheeg jati hain
Naa jaaney ho gaya iss qadar hassaas mein kub se
Kissi se baat karta hoon tu aankhein bheeg jati hai
Woh sub guzrey huey lumhaat mujhko yaad atey hain
Tumharey khut jo parhta hoon tu aankhein bheeg jaati hain
Mein saara din buhut masroof rehta hoon magar joonhi !!
Qadam chaukhut pe rakhta hoon tu aankhein bheeg jaati hain
Hazaaron mausumon ki hukmaraani hai merey dil pur
Wasi mein jub bhi hansta hoon tu aankhein bheeg jaati hain
...................................





dayar-e-gair mein kaise tujhe sada dete


dayar-e-gair mein kaise tujhe sada dete
tu mil bhi jata to tujhe ganwa dete

tumhin ne ham ko sunaya na apna dukh warna
dua wo karte k ham asman hila dete

hamein ye zom raha ab k wo pukarenge
unhen ye zid thi k har bar ham sada dete

wo tera gam tha k tasir mere lahje ki
k jis ko hal sunate use rula dete

tumhen bhulna hi awwal to dastaras mein nahin
jo ikhtiyar bhi hota to kya bhula dete

tumhari yad ne koi jawab hi na diya
mere khayal k ansu rahe sada dete

samton ko main ta-umr kosta Syed
wo kuch na kahte magar honth to hila dete

......................................


Main woh kis tarhan sy karoon bayan
jo kiye gaye hain sitam yahan,
Sune kon meri ye dastaan
koi humnashi hy na raazdan,
Jo tha jhoot woh bana sach yahan
nahi kholi maine magar zuban,
Ye akelapan ye udasiyaan
meri zindagi ki hy tarjman,
Meri zaat zarra-e-benishaan ,
Meri zaat zarra-e-benishaan,

Kabhi suni subho main ghumna,
Kabhi ujri shamon ko dekhna,
Kabhi bheegi ankhoon sy jagna,
Kabhi beete lamhon ko sochna,
Magar aik pal hy umeed ka
hy mujhe khuda ka jo aasra,
Naa hi main ne koi geela kia,
Naa hi main ne di hy duhaiyan,
Meri zaat zarra-e-benishaan ,
Meri zaat zarra-e-benishaan,

Main bataoon kia mujhe kia mile
mujhe sabr hi ka sila mile,
Kisi aur hi ki rida mile
kisi dard hi ka sila mile,
Kisi gum ki dil main jagha mile,
Jo mera hy woh mujhe aa mile,
Rahe shaad uoonhi mera jahan
ke yakeen main badle mera gumaan,
Meri zaat zarra-e-benishaan ,
Meri zaat zarra-e-benishaan,



................................


TERA LIBASS HN MAI

Tera Libaas Hoon Main
Main Khush-Naseebi
Hoon Teri, Mujhy Raas
Hy Tu
Tera Libaas Hoon Main
Aur Mera Libaas Hy Tu
Zindagi Meri Tere Gird
Ghoomti Hy Faqat
Aam Hy Sara Jahan
Mere Liye Ek Khaas Hy Tu
Ajeeb Shai Hy
Mohabbat Main Kahin
Chala Jao’n
Tere Qareeb Hoon Main
Meri Pyaas Hy Tu

..............................


Hijar mosam mein ye barish ka brasna kesa?
Ik sehra se samandar ka guzarna kesa?

Ae mere dil na pareshan ho tanha ho kar
wo tere sath chala kab tha bicharna kes?

Log kehtay hen gulshan ki tabahi dekho
men to viran sa jangal tha, ujadna kesa?

Dekhne mein to koi dard ni, dukh b nahi
phir ye ankhon mein ansuon ka ubharna kesa?

Bewafa kehney ki jurrat b na karna usko
us ne iqrar kia kab tha, "mukarna kesa"!!!!!


.............................




wo larki shaYad pagal thi
din raat gum sum rehti thi

kuch Sharam O Haya ka Paikar thi
Kuch Naram Mijazi rkhti thi

Ankhon main neem nasha sa tha
Baaton sy diwani Lagti thi

Hamraz na tha us ka koi
Bus Khd sy baatain krti thi

Ik Sharam K anchal Me aksar
Jazbat Chupaye Rakhti thi

Darti thi Juda ho jane sy
Ya piYar sy Shayad Darti thi

kYa Sabar tha us Diwaani ka
kYa Zabt E muhabbat rkhti thi

Hai Rashk mjhe us pagli pe
kYa kHoob mohabbat krti thi!!!!!



.................


Teri mehfil sy nikly kisi ko khabar tak na Howi
Tera Murr Murr kar dekhna Hamain Badnam kr gia!!!!!

..................

[SHAYAN]

Zaberdast

[safa]

achi poetry hai......carry On......!

[Anokhi<3]

Wow.... Aaaala collection hai faraz :)

[Ghuncha]

Woww ...

[M A H i]

Zindagi Meri Tere Gird
Ghoomti Hy Faqat
Aam Hy Sara Jahan
Mere Liye Ek Khaas Hy Tu
Ajeeb Shai Hy
Mohabbat Main Kahin
Chala Jao’n
Tere Qareeb Hoon Main
Meri Pyaas Hy Tu



nice collection Faraz
per yeh sub se acha lga mujhy

[s_sableo]

wah wah berry nyc jee

[life]

Nice..