~~ye mojezaa bhii muhabbat kabhii dikhaaye mujhe~~

[FarazAli]

ye mojezaa bhii muhabbat kabhii dikhaaye mujhe
ke sang tujh pe gire aur zaKhm aaye mujhe


vo mehrbaaN hai to iqraar kyuuN nahiiN kartaa
vo badgumaaN hai to sau baar aazmaaye mujhe

maiN apne paaNv tale rauNdataa huuN saaye ko
badan meraa hii sahii do-pahar na bhaaye mujhe

maiN ghar se terii tamannaa pahan ke jab nikluuN
barahnaa shahar meN ko’ii nazar na aaye mujhe


vo meraa dost hai saare jahaaN ko hai maaluum
daGhaa kare vo kisii se to sharm aaye mujhe

maiN apanii zaat meN niilaam ho rahaa huuN ‘Qateel’
Gham-e-hayaat se kah do Khariid laaye mujhe

[!«╬Ĵamil Malik╬«!]

Nice Thnx For Sharing

[Rumisha]

v nice

[Zafina]

Buhat khub

[Ghuncha]

Nice ....

[FarazAli]

thanx....