kisi ke ansoon mei doobe ho.........???

[Shaam]

kabhi doobey ho tum jana, muhabbat ke samander me
samander jis ki gehrai
muhabbat jaisy ho ke bhi
muhabbat se bahut kam hai
chalo choro samndar ko
kisi darya ke babat poochtey hain hum
jis ki mauj me aakar
kudh apne aap ko tum ne bhulaya ho
koi wada nibhaya ho
kabhi sahil ki geeli rait per
koi naam likha ho
koi chahra banaya ho
chalo darya bhi kia
kaho us jheel ka qissa
ke jis ke aab e sakit mei kabhi tum ne
in ankho sei
kisi ki yaad ka kankar giraya ho
phir in bantey bigartey dairo ke khatam hone tak
koi paimaan apnei aap sei jis ko kudh chupaya ho
chalo is ko bhi choro
kabhi tum ne kisi ka hijr dekha hai
kisi ke dil me utrey
ya kisi ke dil sei utrey ho
ya kisi ki ankh me
ya ankh ki dehleez pe bethey ansoo mei doobey ho????.........
( Tariq Naeem )

[Zafina]

Very Nice .............

[Ghuncha]

Nice ....

[!«╬Ĵamil Malik╬«!]

very nyc