gazab kiya, tere vade pe aitabar kiya

[Zafina]

gazab kiya, tere vade pe aitabar kiya
tamam rat qayamat ka intezar kiya

hansa hansa k shab-e-vasl ashk-bar kiya
tasalliyan mujhe de-de k beqarar kiya

ham aise mahv-e-nazara na the jo hosh ata
magar tumhare tagaful ne hoshiyar kiya

fasana-e-shab-e-gam un ko ek kahani thi
kuch aitabar kiya aur kuch na-aitabar kiya

ye kisne jalva hamare sar-e-mazar kiya
k dil se shor utha, hae! beqarar kiya

tarap phir ai dil-e-nadan, k gair kahte hain
akhir kuch na bani, sabr ikhtiyar kiya

bhula bhula k jataya hai unko raz-e-nihan
chipa chipa k mohabbat ko ashkar kiya

tumhen to vada-e-didar ham se karna tha
ye kya kiya k jahan ko ummidavar kiya

ye dil ko tab kahan hai k ho malandesh
unhone vada kiya ham ne aitabar kiya

na puch dil ki haqiqat magar ye kahte hain
vo beqarar rahe jisne beqarar kiya

kuch age davar-e-mahashar se hai ummid mujhe
kuch ap ne mere kahne ka aitabar kiya

[!~*AdOrAbLe*~!]

beautifull
keeptup

[!«╬Ĵamil Malik╬«!]

very nyc

[Zafina]

Thnx.........

[AKHROT]

oh such a ghazab naak sharing :current:

[Zafina]

Thnx ........