Koi Veeran Ghar Aabad Kertay Hain

[FAJAAN]

Yunhi Do Pal Sahi Ghamgeen Dil Ko Shad Kerte Hain
Ameer-E-Shehar Ke Aage Koi Faryad Kerte Hain

Thikana Dhundte Hain Ab Kisi Ujre Hue Dil Main
Chalo Aao Koi Veeran Ghar Aabad Kertay Hain

Tumhare Ye Jahan Wale Hamin Pagal Samajhte Hain
Bhula Detay Hain Khud Ko Ham Tumhain Jab Yad Kertay Hain

Unhain Fursat Kahan Betab Dil Ka Haal Sunne Ki
Hamare Waste Kab Waqt Wo Barbad Kertay Hain

Purani Baat He Tufan Ke Rukh Ko Palat Dena
Jo Dil Ko Pher De Aesa Hunar Eejad Kertay Hain

Ye Khamoshi Se Barsoon In Ki Bunyadoon Main Paltay Hain
Gharoon Ko Nafretoon Ke Zalzale Barbad Kertay Hain

Tumhari God Mein Ser Rakh Ke Sona Chahte To Hain
Magar Kab Rizq Ke Zindaan Hamin Aazad Kertay Hain

[Zafina]

Aik Dam Zabardast

[life2]

nyc...

[K@IN@@T]

v nice

[!«╬Ĵamil Malik╬«!]

Nice One Bro

[FAJAAN]

aik dam zabardast


thx deewani

[FAJAAN]

nyc...


thx life

[FAJAAN]

v nice


thx kainaat

[FAJAAN]

nice one bro


thx jamil