suhaani shaamon ko subha likhna

[Zafina]

suhaani shaamon ko subha likhna,udaas subho ko shaam likhna
ye wehshat_e_dil nahin tau kia hai,kisi ka koi bhi naam likhna

khizaan bahaaron se jaate jaate udaas lehje main keh gai thi
gai ruton ko duaen dena,nai ruton ko salam likhna

bataaen kia gardish_e_zamana hum apne haathon hue fasana
humain tau apni khabar nahin hai kisi ko kaisa payam likhna

ye dil ka rishta naa toot jaae,ye saath apna naa chhoot jaae
main apni bipta likhoon ga tumko tau haal tum bhi tamam likhna

qalam uthane se pehle sun lo ye arz_e_mukhtar_ e_be nawa hai
jo roz_o_shab k azaab main hai wo subha likhna wo shaam likhna

[SHAYAN]

Nice....

[Zafina]

Thnx ........