Jp's Collection .

[Jhuki Palkein]

Khuda Jaanay Kaha'n Say ..

Khuda Janay Kaha'n Say Jalway Jana Kaha'n Taq Hay
Wahin Taq Dekh Sakta Hay, Nazar Jiski Jaha'n Taq Hay.

Hum Itni Bhi Na Samjhay, Aql Khoyi Dil Gawa Bhaitay,
Kay Husn-o-Ishq Ki Duniya Kaha'n Say Kaha'n Taq Hay.

Zameen Say Asmaan Taq Aik Sannatay Ka Aalam Hay
Naheen Maloom Meray Dil Ki Viraani Kahaa'n Taq Hay.

Zameen Say Asmaan Taq Asmaan Say Lay Ke Makaan Taq
Khuda Jaanay Humaray Ishq Ki Duniya Kaha'n Taq Hay.

Niyaz-O-Naaz Ki Rudad Husn-O-Ishq Ka Qissa,
Ye Jo Kuch Bhi Hay, Sab Unki Humari Dasta'n Taq Hay.

Khayal-E-Yaar Nay To Aatay Hi Gum Kar Diya Mujhko,
Yehi Hay Ibteda, To Inteha Iski Kaha'n Taq Hay.

Suna Hay Sufiyo'n Say Humnay Aksar Khanaqaho'n Mein,
Kay Yeh Rangeen Bayani Bedam Rangeen Bayan Taq Hay.

- Kalam By Hazrat Bedam Shah Warsi .

[Jhuki Palkein]

Guzishtaa Khaak Nasheenon Ki Yaadgaar Hoon Main,
Mita Hua Saa Nishaan-E-Sar-E-Mazaar Hoon Main.

Nigaah-E-Garm Say Mujhko Na Dekh Aye Dozakh,
Khabar Nahi Tujhay Kis Ka Gunhagaar Hoon Main.

Phir Uski Shaan-E-Karimi Kay Hauslay Dekhay,
Gunaahgaar Yeh Keh Day, Gunaahgaar Hoon Main.

Baday Mazay Mein Guzarti Hay Bekhudi Mein Ameer,
Khudaa Voh Din Na Dikhaye Kay Hoshiyaar Hoon Main.

- Ameer Meenai

[Jhuki Palkein]

Ye Masaa'il-E-Tasawwuf, Ye Tera Bayaan, 'Ghalib',
Tujhe Hum Wali Samjhate, Jo Na Baadaa_Khwaar Hota !

[SHAYAN]

Zaberdast Yar :(
N Wcb :flowers: Kahan Thi :4uxjr01:

[Jhuki Palkein]

Kalam-e-Iqbal

Kabhi Aye Haqiqat-E-Muntazar, Nazar Aa Libaas-E-Majaaz Mein
Kay Hazaaron Sajday Tadap Rahay Hain Meri Jabeen-E-Niyaaz Mein

Na Bachaa-Bachaa Ke Tuu Rakh Ise, Teraa Aaiinaa Hay Vo Aaiinaa
Kay Shikastaa Ho To Aziizatar Hai Nigaah-E-Aaiinaa Saaz Mein

Na Vo Ishq Mein Rahiin Garmiyaan,
Na Vo Husn Mein Rahiin Shokhiyaan
Na Vo Gazanavii Mein Tadap Rahii
Na Vo Kham Hai Zulf-E-Aayaaz Mein

Main Jo Sar-Ba-Sajadaa Kabhii Huaa, To Zamiin Se Aanay Lagii Sadaa
Teraa Dil To Hai Sanam Aashanaa, Tujhe Kyaa Milegaa Namaaz Mein

Kabhii Aye Haqiiqat-E-Muntazar, Nazar Aa Libaas-E-Majaaz Mein
Kay Hazaaron Sajday Tadap Rahay Hain Merii Jabiin-E-Niyaaz Mein

["K.G"]

Zabardast ColleCtion hai Bohot ala'

[Jhuki Palkein]

Zaberdast Yar :(
N Wcb :flowers: Kahan Thi :4uxjr01:

Assalam-o-Alaikum Wr Wbr .

Oh, You Don't Wanna Know! Just Got Back From Hell :current:

Khair! Pasand Karne Ke Liye Shukriya :rose5wd:

[Jhuki Palkein]

har haqiiqat majaaz ho jaaye
kaafiron kii namaaz ho jaaye

minnat-e-chaaraasaaz kaun kare?
dard jab jaaN navaaz ho jaaye

ishq dil mein rahe to rusavaa ho
lab pe aaye to raaz ho jaaye

lutf kaa intazaar karataa hooN
jor taa hadd-e-naaz ho jaaye

umr besuud kaT rahii hai 'Faiz'
kaash afshaa-e-raaz ho jaaye

[!~*SOoLi]

As Salam O Alaikum! .. Welcom Back Behna, Bohat Khushi Huwi Aap Ko Daikh Kar .. :) Kya Haal hay?? Aur Fit Collection ;) .. Attay Hi Chaaa Gai Thaa Kar Kay :p .. Keep Sharing! Thankyou ..

[Jhuki Palkein]

As Salam O Alaikum! .. Welcom Back Behna, Bohat Khushi Huwi Aap Ko Daikh Kar .. :) Kya Haal hay?? Aur Fit Collection ;) .. Attay Hi Chaaa Gai Thaa Kar Kay :p .. Keep Sharing! Thankyou ..

Walaikum Salaam Wr Wbr! Thanks Bhai. It Is Really Nice To See You Too. Allah Ka Karam Hay, Aap Sunayein? Sab Khayriat Hay Naa?

[FAJAAN]

nyce collection
and welcome beck \

[Jhuki Palkein]

Thank You Fajaan Jee :)

[Jhuki Palkein]

Milatii Hai Khuu-E-Yaar Se..

Milatii Hai Khuu-E-Yaar Se Naar Iltihaab Mein
Kaafir Huu.N Gar Na Milatii Ho Raahat Azaab Mein

Kab Se Huu.N Kyaa Bataauu.N Jahaa.N-E-Kharaab Mein
Shab Haaye Hijr Ko Bhii Rakhuu.N Gar Hisaab Mein

Taa Phir Na Intazaar Mein Neend Aaye Umr Bhar
Aane Kaa Ahad Kar Gaye Aaye Jo Khwaab Mein

Qaasid Ke Aate Aate Khat Ik Aur Likh Rakhuu.N
Mai.N Jaantaa Huu.N Jo Woh Likheinge Jawaab Mein

Mujh Tak Kab Un Kii Bazm Mein Aataa Thaa Daur-E-Jaam
Saaqii Ne Kuchh Milaa Na Diyaa Ho Sharaab Mein

Jo Munkir-E-Vafaa Ho Fareb Us Pe Kyaa Chale
Kyuu.N Badagumaa.N Huu.N Dost Se Dushman Ke Baab Mein

Mai.N Muztarib Huu.N Vasl Mein Khauf-E-Raqiib Se
Daalaa Hai Tum Ko Vahm Ne Kis Pech-O-Taab Mein

Mai Aur Hizz-E-Vasl, Khudaa_Saaz Baat Hai
Jaa.N Nazr Denii Bhuul Gayaa Iztiraab Mein

Hai Tevarii Cha.Dii Huii A.Ndar Naqaab Ke
Hai Ik Shikan Pa.Dii Huii Tarf-E-Naqaab Mein

Laakho.N Lagaav, Ik Churaanaa Nigaah Kaa
Laakho.N Banaav, Ik Biga.Danaa Itaab Mein

Woh Naalaa Dil Mein Khas Ke Baraabar Jagah Na Paaye
Jis Naale Se Shigaaf Pa.De Aafataab Mein

Woh Sehr Muddaa Talbii Mein Na Kaam Aaye
Jis Sehr Se Safinaa Ravaa.N Ho Saraab Mein

'Ghalib' Chutii Sharaab, Par Ab Bhii Kabhii Kabhii
Piitaa Huu.N Roz-E-Abr-O-Shab-E-Maahataab Mein.

- Mirza Ghalib .

[SHAYAN]

Nyx... :fRiEnDS:

[life2]

nyc

[Jhuki Palkein]

Aik Din Ye Aadat Tujhe Rulayegi ,
Tu Jo Chor Deta Hay Har Kisi Ko Apna Bana Kar .
==========================
Post Auto Merge
==========================
Mili Hawa Mein Urhne Ki Ye Saza Yaaro'n
Ke Main Zameen Kay Rishto'n Say Katt Gaya Yaaro'n ..

Wo Bekhayal Musafir , Main Rasta Yaaro'n
Kahaan Tha Mere Bas Mein Usko Roqna Yaaro'n ..

Ke Mere Qalaam Pe Zamane Ki Gird Aisi Thi
Ke Apne Baare Mein Kuch Bhi Na Likh Saka Yaaro'n ..

Jo Beshumar Dilo'n Ki Nazar Mein Rehta Tha
Wo Apne Bacho'n Ko Aik Ghar Na Day Saka Yaaro'n ..
==========================
Post Auto Merge
==========================

Banda Nawaziyon Pay Khuda-e-Karim Tha,
Karta Na Main Gunaah To Gunaah-e-Azeem Tha,
Baatein Bhi Ki Khuda Nay Dikhaya Jamal Bhi,
Wallah Kya Naseeb Janab-e-Kalim Tha,
Duniya Ka Hal Ahl-e-Adam Hay Ye Mukhtasr
Aik Do Qadam Ka Kucha-e-Umeed-o-Bim Tha
Karta Main Dard Mand Tabiboon Se Kya Roju,
Jisne Diya Tha Dard Bara Wo Haqim Tha,
Sama-e-Ufw Kya Main Kahoon, Mukhtasr Hay Ye,
Banda Gunaahgaar Tha, Khaliq Kareem Tha,
Jis Din Se Main Chaman Mein Hua Khwah-e-Gul "Ameer"
Naam-e-Saba Kahin Na Nishaan-e-Naseem Tha.

[SHAYAN]

V.Nyc .. :)

[AYAZ]

zaberadst keep it up

[Ghuncha]

Nyce CollectiOn ...!!

[!~*SOoLi]

Zabardast Jaypee, .. Kuch Words To Meri Aqal Say Upper Kay Thay .. loll
Anyway, Keep it up :)

[Jhuki Palkein]

Thank You Everyone !!

Sooli Bhai , I Think Mujhay Hi Sahi Spell Nahi Karna Aya :Unsure:
==========================
Post Auto Merge
==========================
Ye Bhi Kya Manzar Hay ,
Bhad-Tay Hain Na Hat-Tay Hain Qadam ,
Taq Raha Hoon Door Say Manzil Ko Main ,
Manzil Mujhay .

- Hazrat Zaheen Shah Taaji .


==========================
Post Auto Merge
==========================
Yaar Ko Humnay Jabaja Dekha ,
Kahin Zahir , Kahin Chupa Dekha ,
Kahin Mumkin Hua , Kahin Wajib ,
Kahin Faani , Kahin Baaqa Dekha ,
Yaar Ko Humnay Jabaja Dekha .

- Hazrat Shah Niaz .


==========================
Post Auto Merge
==========================
Mushqil Hai

Jawani Mein Agar Dil Chor Ho Jaye To Mushqil Hai
Kisi Ka Yaar Mil Kar Door Ho Jaye To Mushqil Hai

Koyi Pooche To Aa Jaati Hai Dil Ki Baat Honton Pe
Agar Wo Baat Na-Manzoor Ho Jaye To Mushqil Hai

Kisi Din Jhoota Wada Ho Bhi Jaata Hai Magar Aye Dost
Agar Ye Roz Ka Dastoor Ho Jaye To Mushqil Hai

Bhare Na Zakhm Dil Ka, To Uska Ghum Nahi Laikin
Agar Wo Zakhm Say Naasoor Ho Jaye To Mushqil Hai

Nazar Na Yaar Aye, Yaar Say Shikwa Nahi “Rahi”
Nazar Aa Kar Nazar Say Door Ho Jaye To Mushqil Hai.

[FAJAAN]

zabardast ms jhuki

[life2]

v.nyc//////