nahi likhna

[~wish munda~]

Mujhe dariya nahi likhna

mujhe sehra nahi likhna

Tasalsul se safar main hon

mujhe thehra nahi likhna

Purane rabton ki rakhh

ab tak dil main baqi hai

Meri jalti hatheli par

naya wada nahi likhna

Anna se jeet kar usko

agar jo main ne khoya hai

Mera noha nahi likhna

mera naghma nahi likhna

Bisat-e-zindagi ki

aakhri sarhad pe khadi hon

Mujhe fateh nahi likhna

mujhe muhra nahi likhna

Gawahi apne dil se lo

tumhara dil kia kehta hai

Mujhe jhota nahi likhna

mujhe saccha nahi likhna


Tumhari aankh main gar main

kabhi chup chap jal joan

Tum apni aankhon main lekin

mera sadma nahi likhna


Main uski yad main gum hon

ke apne aap main gum hon

Mujhe mehfil nahi likhna

mujhe tanha nahi likhna


Main apne lafzon se shuhrat

tumhain de jaongi ik din

Mujhe mash-hoor na karna

mera charcha nahi likhna

Ye na ho tum kabhi usko

mitana chaho…na mitte

Mujhe apna samjh lena

magar apna nahi likhna

Meri aankhon main batain hain

magar chehre pe gehri chup

Meri aankhain to likh dena

mera chehra nahi likhna

Kahin aisa na ho meri

kasak us dil main reh jae

Mera dukh dard likh dena

magar gehra nahi likhna….!

jo soochon to yun lagti hai

tumhari har nazar bijli

mera dil toor hota hai

tera jalwa nahin likhna..!!

[Nida-H]

very nice..

[momal ali]

Osum janab !

[~wish munda~]

shukria janab

[SHAYAN]

gr8