mere naam par

[life2]

Koi daaGh hai mere naam par
koi saayaa mere kalaam par

Ye pahaaR hai mere saamne
ke kitaab manzar-e-aam par


Kisii intizaar-e-nazar meN hai
koi roshnii kisii baam par

Ye nagar parindoN kaa Ghol hai
jo giraa hai daana-o-daam par


Gham-e-Khaas par kabhii chup rahe
kabhii ro diye Gham-e-aam par

Hai “Munir” hairat mustaqil
maiN khaRaa huuN aise muqaam par

[ShahTaJ]

nice

[SHAYAN]

nyc :)

[~wish munda~]

vv nyc

[FAJAAN]

v.nyce