ke tum aaye the

[~wish munda~]

jis tarah daaman-e-mashriq mein sahar hotii hai
zarre zarre ko tajallii kii Khabar hotii hai
aur jab nuur kaa sailaab guzar jaataa hai
raat bhar ek andhere mein basar hotii hai
kuchh isii tarah se hai yaad ke tum aaye the


jaise gulashan mein dabe paaon bahaar aatii hai
pattii pattii ke liye leke nikhaar aatii hai
aur phir vaqt vo aataa hai ke har mauj-e-sabaa
apane daaman mein liye gard-o-Gubaar aatii hai
kuchh isii tarah se hai yaad ke tum aaye the


jis tarah mahv-e-safar ho koii viiraane mein
aur raste mein kahiin koii Khiyaabaan aa jaaye
chand lamhon mein Khiyaabaan ke guzar jaane par
saamane phir vohii duniyaa-e-biyaabaan aa jaaye
kuchh isii tarah se hai yaad ke tum aaye the

[K@IN@@T]

nice poetry wish bhai

[Nida-H]

very nice..

[dellawer shah]

niceee one dear

[~wish munda~]

thanx

[~Pr!nCe$s UrOoJ~]

zabardast

[~wish munda~]

shukria