Faiz ahmed Faiz

[waheed ahmed]

Aayye Hath uthaa,eN ham bhii
Ham jinhaiN rasm-e-dua yaad nahii
Ham jinhaiN soz-e-Muhabbat ke siwaa
Koii buut koii Khudaa yaad nahii

Aayye arz guzaar,eN ke nigaar,eN hastii
zehr-e-imroz maiN sheereen-e-farda bher daiN
wo jinhaiN tab-e-graaN baarii-e-ayyaam nahii
Un kii palkouN pe shab-o-roz ko halka ker daiN

Jin kii aankhouN ko rukh-e-subahh kaa yaaraa bhii nahii
Un kii raatouN maiN koii shamma munawer ker daiN
jin ke qadamouN ko kisi reh ka sahaaraa bhii nahii
Un kii nazrouN pe koii raah ujaagar ker daiN

Jin kaa DeeN pairawii-e-kazab-o-riyaa he un ko
himmet-e- kufar milay jurrat-e-tehqeeq mile
Jin ke sir muntazir-e-taigh jafaa haiN un ko
dest qaatil ko jhatak daine kii tofeeq mile

Aayye Haath uthaa,eN ham bhi
Ham jinhaiN rasm-e-dua yaad nahii

[Golden Tears]

Nice.....

[(‘“*JiĢäR*”’)]

Very Nice

[waheed ahmed]

Thanks a lot Golden Tears jii and Jigar jii

[Princess Urwa]

very nice