کسی غمگسار کی محنتوں کا یہ

[Rania]

کسی غمگسار کی محنتوں کا یہ خوب میں نے صلہ دیا
کہ جو میرے غم میں گھلا کیا اسے میں نے دل سے بھلا دیا​

جو جمال روئے حیات تھا، جو دلیل راہ نجات تھا​

اسی راہبر کے نقوش پا کو مسافروں نے مٹا دیا​

میں تیرے مزار کی جالیوں ہی کی مدحتوں میں مگن رہا​

تیرے دشمنوں نے تیرے چمن میں خزاں کا جال بچھا دیا​

تیرے حسن خلق کی اک رمق میری زندگی میں نہ مل سکی​

میں اسی میں خوش ہوں کہ شہر کے دروبام کو تو سجا دیا​

تیرے ثور و بدر کے باب کے میں ورق الٹ کے گزر گیا​

مجھے صرف تیری حکایتوں کی روایتوں نے مزا دیا​

کبھی اے عنایت کم نظر! تیرے دل میں یہ بھی کسک ہوئی​

جو تبسم رخ زیست تھا اسے تیرے غم نے رلا دیا

[Akash]

Hawww Nice

[Princess Urwa]

very nice

[(‘“*JiĢäR*”’)]

Very Nice