Bewafa Shayari collection :

[Naughty Cat]

Shoq kehta hai usey dekh to lo hamraah-e-ghair,
Rashqq kehta hai mujhe kabb yeh gawaara ho ga..
…

[Naughty Cat]

Kuch haar gayi takdeer kuch toot gaye sapney,
Kuch ghairon ne kiya barbaad, kuch chorr gaye apne..
…

[Naughty Cat]

Tera israar sar ankhon per, tujh ko bhool janey ki,
Mein koshish kar ke dekhoon ga, magar vaada nahi karta..
…

[Naughty Cat]

Agar beparwahon ki koi duniya hoti,
Hamara yaar wahan ka badshah hota..
…

[Naughty Cat]

Voh Aya Tha Mehfil Main Mgar Shoq Se Naheen,
Voh Betha Tha Pas Mere Mgr Dil Se Naheen,
Kaun Kehta Hain voh Pyar Naheen Karta,
Karta To Hain Magr Afsos mujhse Se Naheen..
…

[Naughty Cat]

Tum do Faraib, aur Mein Samjhun pyar Usay,
Ab itna bhi Saadgi ka, Zmana nahi raha..
…

[Naughty Cat]

Shayed yeh zamana unhe poojney lage,
Kuch log is kheyal se pathar ho gaye..
…

[Naughty Cat]

Muhabbat tum ne danista ganwaai thi. . !
Tou behtar hai k ab us ko bhula daalo
K ab pachtanay se bhi kuch nahi hoga
Ye tum ko baarha hum ne kaha bhi tha
Suno jana’n!
Gulabo’n se ye lamhay hain
Inhein khonay se pehlay hi sambhal jao
Khiza’n se dosti karna nahi acha
Magar tum ko tou zid si thi mitanay ki, jalanay ki, ganwanay ki
Jo tum ne aag bharkai thi haatho’n se
Tumharay apny daaman tak bhi aa pohnchi tou rotay ho?
Suno! pachtanay se bhi kuch nahi hoga
Muhabbat tum ne danista ganwaai thi.
To behtar hai k ab usko bhula daalo. . !
…

[Naughty Cat]

Dushmano’n se mohabbat hone lagi hai mujhe,
Jese jese doston ko aazmaata ja raha hoon mein..
…

[Naughty Cat]

Suno Jana!
muhabbat mein kisi ko panay ki ujlat
Dikha kar kia mila tum ko?
kabhi socha?
kabhi socha k tum ne mujh ko bhi to khaali khaali
jhootay raisham k hi dhaago’n mein
Ulajhney ki saza di hai
Suno! Mein ne tumhara kia bigara tha?
Ye sab kuch kyun kiya tum ne?
Mujhy youn zindagi se badguma’n kar k bhala kia paa liya tum ne?
Abhi bhi wakt hai tum rok lo, titli ko marney se
Khushbu’on ko nikherny se
Wagarna kal tumharay haath
yaado’n ki zara si raakh hogi aur kuch bhi to nahi ho ga
Abhi bhi wakt hai tum rok lo
Titli Ko Marnay Se. . !
…

[Naughty Cat]

Cherri phir aap hi ne wohi be-rukhi ki baat. .
Phir aap ne chupa liya chehra naqaab mein. . !
…

[Naughty Cat]

Chalo itna tou nikla kaam baham aashnai se. . !
Wafa se hum ho gaye aashna tum be-wafai se. . !
…

[Naughty Cat]

Mein rah’guzar mein khari hui hoon. . !
Tumhari khatir arri hui hoon
Dukho’n se daaman wasee hai mera
Inhi mein pal k barri hui hoon
Kisi ki mujh ko nahi hai parwah
Mein tery dil mein jurri hui hoon. . !
…

[Naughty Cat]

Mein aaj boht udaas hoon
koi nahi
Jis dil se veerani baant saku’n
Koi nahi
Jo mery behtay aansuo’n ko rok sakay
Koi nahi
Jo ik zara harf-e-tasalli de
koi nahi
Jo muskura k kahay
“Apni hasaas aankho’n ko takleef na de”
Ye moti merey dil pe girty hain
Koi nahi
Agar hai tou bolta kyun nahi hai. . !
…

[Naughty Cat]

Koi guzra hua lamha
Koi beeti hui sa’at
Tumhary dil k band dareechy mein chali aaye
Tumhain aisa lagay
K muddat baad
Tumhain dheemi c, meethi c
Kasak mehsoos hoti hai
Tumhain kuch yaad aata hai
Tou mery bhoolay huay saathi
Mery na-meherbaa’n
Palat aana, Palat aana
K meri sama’atain ab bhi
Tumhari ahat’on ki muntazir hain.
…

[Naughty Cat]

Sari duniya ki nigah’on sey gira hai majroh.!!
Tab kahi’n ja key teray dil mein jagha pai hai..
…

[Naughty Cat]

Suna tha tutey huay saaz khob bajtey hein.!
Baraey khalus sey dil ka rubab laya hun..
…

[Naughty Cat]

Yaha’n ehal-e-dil toot’ain gey nahi to
Be-wafa’on ko aram kesay aye ga
Wo awara mizaj kahin door ja basa hai
Aab meri saada’on per kesay aaye ga
Saans’on mein basa hai yaad’on ki surat
Per is ko yakeen kesay aaye ga
Mein is ko kab ka bhol gaya hota ‘Gul’
Masla is dil ka hai is ko qarar kesay aaye ga
…

[Naughty Cat]

Sar uthaney ka bhala aur kisy yara tha..
Bas teray shehar mein ye rasm ada hum sey hui!
…

[Naughty Cat]

Mein ik pal bhi ghar sey nikl’on
To wo mujh sey pocha kerti thi
Tum kahan gaye thay
Kis sey milney gaye thay
Kia kam tha tujh o
Aisey be-wajha
Ghar sey na nikla karo
Zamana bohat kharab hai
Aaj teen shab bad
Jab mein ghar lauta to
Yaad aya
Wo pocha kerti thi
…

[Naughty Cat]

Wo kaha karta tha
Jab
Mein tujhy bhoolunga
To wo din zindagi ka
Akhri din ho ga
Us raat taaray
Na chamkaingy
Us subha
Suraj na
Nikley ga
Wo kaha karta tha
Meri har
Saans se
Tu wabasta hai
Aaj jab us
Ne rasta badla
Tou
Yaad aya
Wo kaha karta tha
…

[Naughty Cat]

Koi sawaal jo poochay to kia kahoon us se
Bicherney walay! Sabab to bata judai ka. . !
…

[Naughty Cat]

Guzray hain aaj ishq mein hum us maqaam se
Nafrat si ho gai hai muhabbat k naam se. . !
…

[Naughty Cat]

Geela kaghaz ki tarha zeest hamari thehri. .
Koi likhta bhi nahi, Koi jalata bhi nahi. . !
…

[Naughty Cat]

Kitni aasani se us ne likh diya
“jaan-e-man! Mehsoos mat karna magar
In dino’n beemar bhi hoon aur kuch haalaat bhi achy nahi
Raat din socho’n mein gum rehti hoon mein
“Tum” rehti hoon mein
Ik guzarish hai bura mat manna
Mery khat aur meri tasweer’ain tamaam
Mujh ko wapis bhej do
Meri mangni honay wali hai, boht majboor hoon”
Us ki tasweerain aur us k khat tamaam
Meine chun chun kar rawana kar diye
Us ne phir likha k sari zindagi
Apni tehreer’on, tasweer’on ki surat mein sadaa
Ab tumhain dekhungi mein
Apni sanso’n k boht nazdeekh paungi tumhain
Doosro’n k wastay mein bhool jaungi tumhain . . !
…

[Naughty Cat]

Guzarney walay youn sarsari na guzar dil se
Muskan shikasta sahi per makeen rakhta tha. !
…

[Naughty Cat]

Gardaab mein, chonk parra un ki sadaa per
Ehsaan ye mujh per mery ehbaab na kartay. . !
…

[Naughty Cat]

Is dil ne teray baad muhabbat bhi nahi’n ki
Had ye k dharakney ki jasaarat bhi nahi’n ki
Tabeer ka aizaz hua hai usey haasil
Jis ne mery khuwabo’n mein sharakat bhi nahi’n ki
Ulfat tou barri baat hai hum se to sir-e-sheher
Logo’n ne kabhi dhang se nafrat bhi nahi’n ki
Aadab-e-safar ab wo sikhatay hain jinho’n ne
Do chaar qadam tay ye musaafat bhi nahi’n ki
Kia apni safai mein bayaa’n daity k hum ne
Nakarda gunaho’n ki wazahat bhi nahi’n ki
Khamosh tamashaai k manind sir-e-bazm
So zakhm sahay dil pe, shikayat bhi nahi’n ki
Us ghar k sabhi log mujhy chorrney aaye
Dehleez talak us ne ye zehmat bhi nahi’n ki
Us ne bhi ghulam’on ki safo’n mein humain rakha
Is dil pe kabhi jis ne hakoomat bhi nahi’n ki. . !
…

[Naughty Cat]

Mein tou usko dekhtay hi jaisy pathar ho gaya
Baat tak na munh se nikli be-wafa k saamney. . !
…

[Naughty Cat]

Meine chaha tha andoh-e-wafa se chootu’n
Wo sitam’gar mery marnay pe bhi razi na hua. . !
…

[Naughty Cat]

Majrooh jin se dil hi nahi’n, Rooh tak hui. .
Wo teer ittefaq se ik aashna ka tha. . !
…

[Naughty Cat]

Wohi kahi’n bhi gaya, lota tou mery paas aya. .
Bus yehi baat hai achi mery harjaai ki. . !
…

[Naughty Cat]

Hamary paao’n mein tum ne zanjeer-e-wafa daali, ,
Tumhary haath se kyun rishta-e-mehr-o-karam choota. . !
…

[Naughty Cat]

Tark-e-ta’alluq kar tou chukay hain, aik imkaan abhi baaqi hai
Aik mahaaz se loot aye hain, aik maidan abhi baaqi hai
Shayad us ne hansi hansi mein, tark-e-wafa ka zikr kiya
Yunhi si ik khush-fehmi hai, itmenaan abhi baaqi hai
Raat’ain us k hijr mein ab bhi, naza’a kay aalam mein kat’ti hain
Dil mein waisi hi wehshat hai, tann mein jaan abhi baaqi hai
Bachpan k is ghar k saray kamray, maliya-mait huay hain
Jis mein hum khaila karty thy, wo daalan abhi baaqi hai
Diye mundair pe rakh aaty hain, hum har sham najanay kyun
Shayad us k laut aany ka, kuch imkaan abhi baaqi hai
Aik adalat aur hai jis mein, hum tum ik din hazir hongy
Faisla sun kar khush mat hona, aik mezaan abhi baaqi hai. . !
…

[Naughty Cat]

Tujhy bhula k jiyu’n, aisi bad-dua bhi na de
Khuda mujhy ye tahammul, ye hosla bhi na de
Meray bayan-e-safaai k darmian mat bol
Sunay baghair mujhy, apna faisla bhi na de
Ye umer meine tery naam be-talab likh di
Bhalay se daman-e-dil mein kahin jaga bhi na de
Ye din bhi aaingy, aisa kabhi socha na tha
Wo mujh ko dekh bhi lay aur muskura bhi na de
Ye ranjish’ain to muhabbat k phool hain ‘Sajid’
Ta’aluqaat ko is baat per ganwa bhi na de. . !
…

[Naughty Cat]

Hum tujhy bhool k khush baithay hain
Hum sa be-dard koi kia ho ga. . . ?
…

[Naughty Cat]

Tum ne hi majboor kiya hai, Mujh ko raah badalny per
Jeewan k be-ant safar mein, Ghair ka ho kar chalny per
Meine tumhari aasha’on ka, Her her roop saraha tha
Meine apna aap bhula kar, Tum ko toot k chaha tha
Umer ki ujli deewaro’n per, Qismat ka andheyaara tha
Aur boht they suraj lekin, Tum sa charaagh hi piyara tha
Lekin tum hi mery maseeha, Nafrat k saanchay mein dhal kar
Ik Din mery saamney aa gaye, Qaatil ka behroop badal kar
Ab kia shikwa, Kesi Shikayat, Chahat k sab rishtay kachay
Mein bhi aur tum bhi har-jaai, Mein bhi theek aur tum bhi sachay. . !
…

[Naughty Cat]

Bichra kuch is adaa say kay rut hi badal gayi,
Ek shahkhs saaray shahar ko weraan kar geya..
…

[Naughty Cat]

Bas ek teray bicharnay ki dair thi jaisay,
Simat kar aagaye kadmoon main karb sadioon ka ..
…

[Naughty Cat]

Bicharnay walay tujhey dekh dekh kar sochta hun,
Tu jab milay ga tu kitna badal chukka hoga..
…

[Naughty Cat]

Yeh aur baat hai saqi key mujhai hosh nahi,
werna main kuch bhi hoon ehsaan faramosh nahi..

[Naughty Cat]

Yeh kya kam hai key mar janay pe duniya yaad karti hai,
Kesi key ishq main duniya lut’ta kar hum bhi dekhain gaye..
…

[Naughty Cat]

Yeh kya kam hai key mar janay pe duniya yaad karti hai,
Kesi key ishq main duniya lut’ta kar hum bhi dekhain gaye..
…

[Naughty Cat]

Ye ittefaq hain sab rah ki musafat key,
Chalay kesi key lye ja milay kesi k sath..
…

[Naughty Cat]

Ye fakhar tu hasil hai, buray hain key bhalay hain,
do chaar qadam hum bhi teray sath chalain hain…
…

[Naughty Cat]

Yehi hai naa tumhain hum sey bichar janay ki jaldi hai,
Kabhi milna tumharay maslay ka hal nikalain gaye..
…

[Naughty Cat]

Yun phir raha hai kaanch ka peikar liye howey,
Ghafil ko gumaan hai key pathar naa aye ga..
…

[Naughty Cat]

Kis tarha tasleem kar lon kay tu mera nahi,
Bewafa kya terey daman par laho mera nahi..
…

[Naughty Cat]

Oron sey to ummeed ka rishta bhi nahi tha,
Tum itney badal jao gey socha bhi nahi tha..
…

[Naughty Cat]

Akele pan ki aziyat ka ab gila kesa,
Faraz khud hi to oron se ho gaye they alag..
…

[Naughty Cat]

Akele pan ki aziyat ka ab gila kesa,
Faraz khud hi to oron se ho gaye they alag..
…

[Naughty Cat]

Mohabbton ki sazaa be’misaal di us ne,
Udaas rehne ki aadat si daal di us ne..
…

[Naughty Cat]

Aik shakhss per lutaa kar mene sari kayenaat,
Tamaam umar ki tabahiyan apne naam kar li..
…

[Naughty Cat]

Yun na kaho ke yeh kismat ki baat hai,
Meri tabahiyon mein tumhara bhi hath hai..
…

[Naughty Cat]

Moam ho jata hai aah se pathar lekin,
Sang-dil ik tera dil pighalta nahin..
…

[Naughty Cat]

Abhi to tujhe chand lafzon mein samaitta hai,
Abhi meri kitabon mein teri tafseer baki hai..
…

[Naughty Cat]

Bohat mehsoos hota hai,
Tera mehsoos na karnaa..
…

[Naughty Cat]

Dil ke luttney ka sabab puch rahi hai duniya,
Yaad aa jaye na aese mein tera naam mujhe..
…

[Naughty Cat]

Bataaon kya miley ga un ko hum se aese,
Bewajah woh khafaa hon to main kya karon.
…

[Naughty Cat]

Ek Muddat Se Teri Yaad Bhi Aayi Na Hamain,
Aur Ham Bhool Gaye Hon Tujhe Aisa Bhi Nahi..
…

[Naughty Cat]

Ab atar* bhi miley to mohabbat ki buu nahin,
Woh din kya huye ke paseena gulaab hua..

[Naughty Cat]

Umeed ehd-e-wafaa aur in buto’n se Shakeel,
Jo bhool kar bhi kisi se wafaa nahin kartey..
…

[Naughty Cat]

Ab aap kis liye pareshaan hotey hain,
Diya tha ranj to kuch soch kar diya hota..
…

[Naughty Cat]

Jin ko ik umar ka nazraana diye bethe hain,
Aah tak un se taaruf bhi mukammal na hua..
…

[Naughty Cat]

Woh aksar deta hai mujhy parindon ki misaal,
Faaf nahin kehta ke mera sheher chorr jao.
…

[Naughty Cat]

Hamarey paaon mein to tum ne zanjeer-e-wafaa daali,
Tumhaarey hath se kyon rishtaa mehr o karam chootta..

[Naughty Cat]

Kissi ki bewafaayi se mujhe kya,
Main apna kaam rakhta hoon wafa se..

[Naughty Cat]

Tooti hai meri neend magar, Tum ko iss se kya,
Bajtey rahen hawaaon se dar, Tum ko iss se kya..
…

[Naughty Cat]

Tum bohat dil’nasheen thay magar jab se,
Kisi aur ke ho gaye ho, zehar lagtey ho..
…

[Naughty Cat]

Hamarey baad tere imtehaan se kaun guzrey ga,
Humi per hatam yeh tere zulm-o-sitam hain..
…

[Naughty Cat]

Muntazir thay teri inayat ke,
Kuch to kia chalo tabah hi sahi..
…

[Naughty Cat]

Aaj tum mehfil-e-yaraan mein ho to maghroor bohat,
Jab kabhi toot ke bikhro ge to yaad aaon ga..

[Naughty Cat]

Ultti pari hain kashtiyan sab rait par meri,
Woh lay gaya hai dil say samandar nikaal ke…
…

[Naughty Cat]

Us ko khabar nahin ke main uska nahin raha,
Kis khush’fehmi main baghaawat kare koi..
…

[Naughty Cat]

Bana gulaab to kaantey chubhaa geya aik shakhss,
Hua chiraag to ghar hi jala geyaa aik shakhss..
…

[Naughty Cat]

Us ki nazron ke badalty hi janey kya hua,
Jitne chehrey janey pechaney they anjaney lage..
…

[Naughty Cat]

Tumhi ne konsi achaayi ki hai,
Chalo maana ke main achaa nahi tha..
…

[Naughty Cat]

Badal jao Bhale TUM, Magar Ye Zehen mein rakhna,
Kahiin Pachtawa na Ban jaye, Hm se Be-Rukhi itni !!
…

[Naughty Cat]

Saari dunya samajhti hai ke sodaayi hai,
Ab mera hoshh main aana teri ruswaayi hai..
…

[Naughty Cat]

Meri wafaa pe aye dost aitbaar na kar,
Mujhe bhi teri tarah sab se pyaar karna hai..
…

[Naughty Cat]

Jaa Bicher Ja, Magar Khayal Rahe,
Yu’n Na Ho, Umer Bhar Malaal* Rahe..

[Naughty Cat]

Hai dil ko yaqeen na woh aye ga palat ke kabhi,
Magar phir bhi aankhon ko hai intizaar usi ka..
…

[Naughty Cat]

Kyon hath mein tere mujhe pathar nazar aya,
Deewana agar thaa to main dunya ke liye tha..
…

[Naughty Cat]

Kaam itna mushkil to nahin hai jaana,
Chorro tumhen bhulaa ke kya karna..
…

[Naughty Cat]

Umar bhar hanste rahe wo gairon ke sath,
Meri laash pe unhen aakhir rona hi parra.
…

[Naughty Cat]

Kahan kahan se alag kar sako ge tum mujhko,
Jurra hua hoon yahan lakh silslon se main..
…

[Naughty Cat]

Tum tarass jao ge hansi ke liye,
Abhi baaz ajao mujhe rulaney se..
…

[Naughty Cat]

Saaf bach nikle ga woh balaa ka zaheen hai,
Mohabbat chorr de ga kismat ka bahana karke..
…

[Naughty Cat]

Zulm kar ke woh sab se poochta hai,
Iss tarah dil ka sakht bhi hai koi..
…

[Naughty Cat]

Shayed yeh us ke gham main sulagney ka hai asar,
Itna dard to meri tehreer mein pehle na tha..
…

[Naughty Cat]

Shayed unhi ka gham mere kaam aa geya,
Jin doston ne chorr diya waqt per mujhe..
…

[Naughty Cat]

Woh mujhe dekh kar khamosh raha,
Ik shor ajab machh geya mujh me..
…

[Naughty Cat]

Zara si baat pe daaman churra liya hum se,
Tamaam umar ki wabastgi ko bhool gaye..
…

[Naughty Cat]

Zara na moam hua pyar ki haraarat se,
Chatakh ke toot geya, dil ka sakht aesa tha..
…

[Naughty Cat]

Dil ki qeemat to mohabat ke siwa kuch na thi,
Jo bhi milay surat ke khareedar milay..
…

[Naughty Cat]

Dil ki qeemat to mohabat ke siwa kuch na thi,
Jo bhi milay surat ke khareedar milay..
…

[Naughty Cat]

Ghairon se kaha tum ne, Ghairon se suna tum ne,
Kuch hum se kahaa hota, kuch hum se suna hotaa..
…

[Naughty Cat]

Zindagi ke udaas lamhon mein,
Bewafa dost yaad aate hain..
…

[Naughty Cat]

Dil ka maalik tujhe bana dete,
Barff lehjaa tera rukaawat hai..

[Naughty Cat]

Rootha rahe wo mujh se ye manzoor hai lekin,
Yaroh usse samjhao ke mera sheher na chorre..
…

[Naughty Cat]

Dekhaa mujhe to tark-e-taluq ke bawjood,
Woh muskuraa diya yeh hunar bhi ussi ka tha..
…

[Naughty Cat]

Jiss khauf se milne nahin aata tha woh mujh se,
Uss dar se meri maut pe royaa bhi nahin thaa..
…

[Naughty Cat]

Woh zindagi ho ke dunya Faraz kya kijiye,
Ke jiss se ishq karo bewafa nikalti hai..
…

[Naughty Cat]

Bewafai Ki Sub Kitaabo’n Mein,
Terey Jaisy Koi Misaal Nahee’n..
…

[Naughty Cat]

Woh iss kamaal se khelaa tha ishq ki baazi,
Mein apni fataah samajhta raha maat hone tak..

[Naughty Cat]

Jin ke seeno’n mein dharakta tha Muzaffar mera dil,
Aaj mein un ke liye bhooli kahani ho geya..

[Naughty Cat]

Saabit hua ke tu bhi zamane ke sath hai,
Saabit hua ke tu bhi hamaara nahin rahaa..
…

[Naughty Cat]

Woh mujhse chahta kya tha mujhe khabar na huyi,
Bakhairta bhi raha aur samait’ta bhi rahaa..
…

[Naughty Cat]

Nigaah-e-qeher se dekha, Yehi ghaneemat hai,
Mujhe to aap se umeed iss qadar bhi na thi..

[Naughty Cat]

Woh tere pass se chup chaap guzar kese geya,
Dil-e be’taab! Qayamat na uthaa di tu ne..
…

[Naughty Cat]

Teri galiyon mein rehte they to ik ehsaas tha ghar ka,
Kisi ka ghar basaa kar hum ko be-ghar kar diya tu ne..
…

[Naughty Cat]

Teri nigaah mein ek rang e ajnabiyat tha,
Kis aitbar pe hum khul ke guftugu karte..
…

[Naughty Cat]

Taluqaat ke bar’zukhh mein hi rakh mujh ko,
Woh mere haq me na tha, aur khilaaf bhi na hua..

[Naughty Cat]

Tumhara kya hai tumhe to baazi se bas taluq hai waajbi sa,
Yeh khel hai meri zindagi ka, ke mera jo kuch hai daao per hai..
…

[Naughty Cat]

Maana ke Marne Walon ko Bhula Dete Hain Sabhi,
Zinda ko BhoOl kr Tum ne to Riwayat he Badal di..
…

[Naughty Cat]

Yehi Bohat Hai Ke Baitha Hay Sar Jhukaye Huye,
Mujhey Ujaar Ke Wo Shakhs Sharam’sar To Hay..

[Naughty Cat]

Kab Tak Raho Ge Aakhir Yoon Door Door Hum Say?
Milna Paray Ga Aakhir Ek Din Zaroor Hum Say..!
Daman Bichaane Walay Ye Be-Rukhi Hai Kesi?
Keh Do Ager Hua Hai Koi Qasoor Hum Say..!
Hum Cheen Lenge Tumse Ye Shan-e-Benayazi,
Tum Mangte Phiro Gay Apna Garoor Hum Say…!!

[Naughty Cat]

Phir Usi Shakhs se Umeed-e-Wafa,
Aye Dil, Tujhe Izzat Raas Nahi???
…

[Naughty Cat]

Bara Maza Ho Kay Mehshar Main Hum Karain Shikwa,
Wo Minton Se Kahain, Chup Raho Khuda Kay Liye.
…

[Naughty Cat]

Phool, khushbu, chaman, chand, sitare, sabaa,
Sarey saathi woh hum se khafaa kar gaya..
…

[Naughty Cat]

Poochna chahta hoon main yeh un aankhon se Jamal,
Kis ko abaad kiya hai mujhe be-ghar kar ke..
…

[Naughty Cat]

Baat be-baat roothne waley,
Waqt be-waqt tujh ko socha hai..
…

[Naughty Cat]

ard ki dil pe hakumat thi, Kahan tha us waqt ?
Jab mujhe teri zaroorat thi, Kahan tha us waqt ?
Maut ke sukh mein chala aya mujhe dekhne ko,
Zinda rehne ki museebat thi, Kahan tha us waqt ?
Dil ke darya’on mein ab rait hai sehraon ki,
Jab mujhe tujhse mohabat thi, Kahan tha us wakt ?
…

[Naughty Cat]

Ghar bana kar mere dil mein woh chorr gaya,
Na khud rehta hai Na kisi aur ko basney deta hai…
…

[Naughty Cat]

Munafiqon Ki Tarah Hum Ne Os Ka Saath Dia,
Wo Be-Wafa Hai Ose Ye Gumaan Na Hone Dia..
…

[Naughty Cat]

Tum Ne Chup Reh Kar Sitam Aur Bhi Dhaaya Mujh Pe,
Tum Se Achey Hain Mere Haal Pe Hansne Waaley..
…

[Naughty Cat]

Humain bhi pata tha k log badal jatay hain,
Mager hum ne kabhi tum ko logo mein gina hi nahi..
…

[Naughty Cat]

Jiss Ko Jitni Jitni Zaroorat Pari Meri,
Us Ko Utni Hi Mohabbat Rahi Mujh Se…
…

[Naughty Cat]

Teri nafrat me woh dam nahi jo meri chahat ko mita de MOHSIN,
Meri chahat ka samandar Teri soch se bi gehra hai…
…

[Naughty Cat]

Zameen ke Aastaano say, falak ke chand taaron tak,
Koi Ehl-e-wafa dhundo, ager hum bewafa hain to..
…

[Naughty Cat]

Teri Majbooriyan Darust Magar,
Tera Waada Tha Yaad Rakhne Ka..
…

[Naughty Cat]

Sabit Howa Ke Muj Sy Mohabt Nahi Rahi,
Wo Shakhs Muj Ko Daikh Kar Ankhen Chura Gia.
…

[Naughty Cat]

Tu agar chorr ke jata hai tou kya,
Haadsey rozz hua karte hain..
…

[Naughty Cat]

Ranjshain to hoti hain,
Muhabbat main magar,
Tum se ye kis ne kaha ke,
Mujhe adhoora kar do.
…

[Naughty Cat]

Gali Mein Tooti Howi Chooriya’n Dekhi Hain Maine,
Zaroor Kisi Masoom Ki Muhabbat Pe Zawaal Aya Hoga …!
…

[Naughty Cat]

Hota nahi ayaa’n kabhi un ke mizaj se…
Neeyyat Kharab hai ke…tabiyyat Kharab hai…!!!
…

[Naughty Cat]

Kabhi Dekha Hai Andhe Ko Kisi Ka Haath Pakar Kar Chalte Hue,
Maine Mohabbat Mein ‘TujhPe’ Kuch Yu’n Bharosa Kiya Tha..!!
…

[Naughty Cat]

Taqdeer Ne, Falak Ne, Mohabbat Ne, Ishq Ne,
Jis Ne Bhi Chaha, Mera Tamaasha Bana Dia..
…

[Naughty Cat]

Usny tora tha mera dil us se koi shikayat nahi,
Ye Usi ki Amanat thi usy acha lga so tor diya..
…

[Golden Tears]

hmmmm nice

[(‘“*JiĢäR*”’)]

Very Nice Collection

[SHAYAN]

V Nice....

[(‘“*JiĢäR*”’)]

Very Nice

[Princess Urwa]

nice..

[~wish munda~]

Coool but sady