[shabbirqazi]

مہنگی کریمیں جہاں ساتھ چھوڑ جائیں وہاں یہ ٹوٹکہ آزمائیں

چہرے کی خوب صورتی اور خوشنمائی کے لیے جلد کا صحت مند اور تروتازہ ہونا ضروری ہے لیکن یہ کوئی بہت مشکل کام نہیں۔ اس کے لیے محض چند بنیادی باتوں کا خیال رکھیں تو آپ کی جلد بہت جاذب نظر ہو جائے گی۔ جلد کی خوب صورتی کے لیے چند ٹوٹکے پیش کر رہا ہوں
خوب پانی پیئں
کھانے سے پہلے ایک گلاس پانی پینے سے آپ کی جلد تروتازہ اور شفاف رہتی ہے۔ اس کے علاوہ دن بھر میں آٹھ گلاس پانی پینے بہت ضروری ہے۔ اس کے علاوہ گرین ٹی اور ناریل کا پانی بھی جلد کے لیے بہت مفید ہے
متوازن غذا کا استعمال کریں
صحت بخش غذا ہی آپ کی جلد کو صحت مند رکھتی ہے۔ لہذا اگر اپنی غذا میں تین چھوٹی سی تبدیلیاں لے آئیں تو تو آپ دیکھیں گے کہ آپ کی سکن دمک اٹھے گی۔ نمبر1: چینی سے اجتناب کریں۔چینی کے اثرات جلد پر اچھے نہیں ہوتےاس میں موجود کیمکلز چہرے پر جھریوں کا سبب بنتے ہیں۔ نمبر2: سرخ رنک کے پھلوں اور سبزیوں کو اپنی غذا میں شامل کریں۔ مثؒلا گاجر، ٹماٹر، اسٹرابیری اور چیری وغیرہ ان میں شامل اےنٹی آکسیڈنٹس جلد کی تازگی کا باعث ہیں۔نمبر 3: اومیگا تھری پر مشتمل فوڈ سپلمنٹ استعمال کریں کیونکہ اس میں جلد کو نمی بخشنے اور اسے جھریوں اور کینسر کے خلاف تحفط فراہم کرنے کی خصوصیات پائی جاتی ہیں
ورزش کو اپنا معمول بنائیں
ورزش کرنے سے کیلوریز ہی نہیں جلتیں بلکہ پیسنے کے اخراج کے باعث جلد کو سانس لینے کا موقع بھی ملتا ہے۔ ہفتے میں کم ازکم چار دن ایکسرسائز کریں۔ ورزش کرنے سے دوران خون بہتر ہو گا اور جلد دمک اٹھے گی۔
چہرہ کے کیل اور مہاسے دور کرنے کے نسخہ جات
خشخاش حسب ضرورت لے کر بارک پیس لیں اور صبح سویرے منہ دھونے سے پہلے چہرے پر ملیں۔ تازہ لیموں کا چھلکا بھی مل لیں تھوڑی دیر چہرے پر لگا رہنے دیں۔ اس کے بعد منہ دھو لیں۔ چہرے کے کیل، مہاسوں اور داغوں کے لیے بہت مجرب نسخہ ہے

ہلدی ، مغزبادام کا چھلکا

ہلدی، مغز بادام کا چھلکا، آڑو ، گندم اور لیموں کا خشک چھلکا ہر ایک بقدر ضرورت سفوف بنا کر ملا کر کسی شیشی میں محفوظ رکھیں۔ سوتے وقت چہرہ پر ان کا لیپ کریں اور علی الصبح اس کو بطور ابٹن کے مل کر صاف کریں اس سے چہرے کے کیل مہاسے دور ہو جاتے ہیں۔
املتاس کے درخت کی چھال
املتاس کے درخت کی چھال ، انگور کا گودا، انبہ ہلدی، ناگرموتھ ان چاروں چیزوں کو ہم وزن لے کر پیس کر ابٹن کی طرح بنا لیں اور رات کو سونے پر اس کو منہ پر لگا لیں جب اچھی طرح خشک ہو جائے تو منہ دھو لیں
چھوہارےکی گٹھلی سے کیل مہاسوں کا علاج
چھوہارے کی گٹھلی لے کر پتھر کی سل پر خوب پیس لیں اور تھوڑا تھوڑا سرکہ انگوری ڈالتے جائیں۔ جب گاڑھی سی لئی بن جائے تو اس کا لیپ چہرے کے کیلوں پر کر دیں پورے دو تین گھنٹے رہنے دیں، جب خشک ہو جائے تو پانی میں تھوڑا سا سوڈا حل کر کے اس سے منہ دھو ڈالیں، ایک ہفتہ تک یہ علاج کریں، گوشت کم کھائیں نیز بادی و گڑ والی اشیا سے پرہیز کریں۔ انشااللہ شفا ہوگی۔
سیپ سے کیل مہاسوں کا علاج
سیپ کا ایک ٹکڑا لے کر اس میں عرق لیموں نچوڑ لیں اور چھ سات گھنٹے تک انہیں بھیگا رہنے دیں، سیپ خود بخود پھول جائے گی۔ پھر اس کو انگلی سے خوب ملا کر یک جان کر لیں اور رات کو سوتے وقت اسے مہاسوں پر لگائیں ۔ ان شااللہ اس سے مہاسوں سے نجات ملے گی

اگر آپ ان ٹوٹکوں کو اپنے موبائل یا کمپہوٹر پر ڈاون لوڈ کرنا چاہتے ہیں تو نیچے دیے گئے لنک سے ڈاون کر سکتے ہیں

http://itechnhealth.com/chehre-k-dan...-%da%86%da%be/