[nazeer1]

سنہء 1891 سے پہلے اس دنیا کا کوئی انسان نہیں جانتا تھا کہ خدائی کا دعویٰ کرنے والے فرعونوں کی لاشوں کا کیا ہوا تھا ۔
یا ان کی باقیات کہاں ہیں۔ یا کہیں ہیں بھی یا نہیں۔
الہامی کتابوں تورات، بائبل اور قران پاک میں اس واقعہ کا ذکر تفصیل ملتا تھا کہ حضرت موسی علیہ السلام اور بنی اسرائیل قوم کا پیچھا کرتا ہوا فرعون پانی میں غرق ہو کر اپنی فوج سمیت مر گیا تھا جبکہ حضرت موسیٰ علیہ السلام اور ان کی قوم کو پانی نے اللہ کے حکم سےگذرنے کا راستہ دے دیا تھا۔اس کے بعد اس کا کیا ہوا تھا اس بارے بائبل اور تورات خاموش ہیں۔لیکن قران پاک میں اس کے انجام کے بارے ایک بہت ہی عجیب بات کہی گئی تھی جس کی کسی کو سمجھ نہیں تھی کہ اس کا مطلب کیا ہے ۔ خود مسلمان بھی اس بات کو پڑھ کر آگے گذر جایا کرتے یہ سمجھے بغیر کہ اس بات کا شارہ کس جانب ہے۔
سورہ یونس میں فرعون کے مرنے کے بعد اس کا انجام کچھ اس طرح فرمایا گیا تھا۔"پس ہم تیرے بدن کو(سمندر سے) نکال کر محفوظ کر لیں گے تاکہ تو بعد میں آنے والوں کے لئے عبرت بن جائے۔"۔ سورہ یونس۔ آیت نمبر 92
یہ واقعہ آج سے ساڑھے تین ہزار سال پہلے پیش آیا تھا۔فرعون کے ڈوب کر مرنے کے بعد سمندر نے اس کی لاش کو اللہ کے حکم سے باہر پھینک دیا جبکہ باقی لشکر کا کوئی نام نشان نہ ملا۔مصریوں مین سے کسی شخص نے ساحل پر پڑی اس کی لاش پہچان کر اہل دربار کو بتایا۔فرعون کی لاش کو محل پہنچایا گیا۔ درباریوں نے مسالے لگا کر اسے پوری شان اور احترام سے تابوت میں رکھ کر محفوظ کر دیا۔حنوط کرنے کے عمل کے دوران ان سے ایک غلطی ہو گئی تھی۔فرعون کیوں کہ سمندر میں ڈوب کر مرا تھا اور مرنے کے بعد کچھ عرصہ تک پانی میں رھنے کی وجہ سے اس کے جسم پر سمندری نمکیات کی ایک تہہ جمی رہ گئی تھی ، مصریوں نےاس کی لاش پر نمکیات کی وہ تہہ اسی طرح رھنے دی اور اسے اسی طرح حنوط کر دیا۔
وقت گذرتا رہا، زمین و آسمان نے بہت سے انقلاب دیکھے جن کی گرد کے نیچے سب کچھ چھپ گیا حتی کہ فرعونوں کی حنوط شدہ لاشیں بھی زمیں کی تہوں میں چھپ گئیں ، ان کے نام صرف کتابوں ، ان کی تعمیرات اور لوگوں کے زھنوں میں رہ گئے۔اس واقعے کے دو ہزار سال بعد اس دنیا میں اللہ کے آخری نبی صلی اللہ علیہ وسلم تشریف لائے ان پر نازل ہونے والی آخری کتاب میں فرعونوں کے قصے بڑی تفصیل کے ساتھ بیان کئے گئے تھے اور اسی سلسلے میں اس فرعون کا جسم محفوظ کرنے کی بابت آیت بھی نازل ہوئی تھی جس کی سچائی پر سب اہل ایمان کا پختہ یقین تو تھا لیکن وہ سمجھنے سے قاصر تھے کہ اس خدائی کا دعوے کرنے والے کی لاش کہاں محفوظ کی گئی اور کیسے اسے عبرت کا نشان بنایا جائے گا۔
1871 ء میں مصر کے ایک شہر الغورنیہ سے تعلق رکھنے والے غریب اور معمولی چور احمد عبدالرسول کو فرعونوں کی حنوط شدہ لاشوں کی طرف جانے والے خفیہ راستے تک رسائی مل گئی۔ احمد عبدالرسول نوادرات چوری کرکے بیچا کرتا تھا۔ایک دن وہ دریائے نیل کنارے کے قریب تبیسہ کے مقام پر اسی سلسلے میں پھر رہا تھا جب اسے ایک خفیہ راستے کا پتہ چلا۔ وہاں وہ نوادرات کی چوری کے لئے جگہ کھود رہا تھا کہ اسی دوران اسے کچھ لوگوں نے پکڑ لیا اور پولیس کے حوالے کر دیا۔وہ جس جگہ کو کھود رہا تھا وہاں سے ملنے والے راستے کی جب مسلسل کھدائی کی گئی ۔ سنہء 1891 کو دوسری ممیوں کے ساتھ اسی غرق ہونے والے فرعون کی لاش بھی مل گئی۔ اس کے کفن پر سینے کے مقام پر اس کا نام لکھا ہوا تھا۔ ان ممیوں کو ماہرین قاہرہ لے گئے۔ جب ان ممیوں کا تفصیل سے جائزہ لیا گیا تو فرعون والی ممی پر جمی نمکیات کی تہہ سے تصدیق ہوگئی کہ یہ وہی فرعون ہے جسے اللہ نے پانی میں غرق کرکے بدترین انجام سے ہمکنار کیا تھا۔یہ بہت بڑا واقعہ تھا اس کی تصدیق کے لئے دنیا بھر کے ماہرین آثار قدیمہ اور سائنسدان مصر کی طرف امڈ پڑے۔مختلف سائنسی ٹیسٹ کرنے کے بعد دنیا بھر کے سائنسدانوں نے تصدیق کر دی کہ دوسری سب لاشوں کی نسبت صرف فرعون کی لاش پر ہی سمندری نمکیات کی تہہ جمی ہوئی تھی۔اس تصدیق کے بعد اسے فرعون کی لاش قرار دے کر عجائب گھر میں محفوظ کر دیا گیا۔
سنہء 1982 میں فرعون کی ممی خراب ھونے لگی تو اس وقت کی مصری حکومت نے فرانس کی حکومت کو درخواست کی کہ فرعون کی ممی کو خراب ھونے سے بچایا جائے نیز جدید سائنسی ذرائع سے اس کی موت کی وجہ بھی معلوم کی جائے۔ چنانچہ مصری اور فرنسیسی حکومت نے مل کر ممی کو فرانس لے جانے کا انتظام کیا۔ جب فرعون کی لاش کو فرانس پہنچایا گیا تو ایئرپورٹ پر اس دور کے فرانسیسی صدر بذات خود حکومت کے اعلی عہدیداروں ، تمام وزراء اور فوج کے افسران کے ساتھ استقبال کے لئے موجود تھے۔ فرعون کی لاش کا استقبال کسی عظیم زندہ بادشاہ کی طرح کیا گیا۔ فوجی دستوں نے سلامی دی۔
فرعون کی ممی کو ماہر ڈاکٹروں کی ٹیم کے حوالے کیا گیا ۔ اس ٹیم کی سربراہی ڈاکٹر مورس بوکائے تھے۔ مائیکرو سکوپک ٹیسٹوں کے ذریعے ممی کے تمام اعضاء کا باریک بینی سے جائزہ لیا گیا تو معلوم ہوا کہ اس کی لاش اور جسم میں سمندری ذرات ابھی تک موجود ہیں۔اور موت کی وجہ بھی پانی میں ڈوبنے کی وجہ سے ہوئی تھی۔
ایک بادشاہ کی موت پانی میں ڈوبنے کی وجہ سے ہو !!!!!! یہ ڈاکٹر مورس کے لئے حیرت کی بات تھی۔اس نے اس ممی کے بارے مزید جاننے کی کوشش کی تو اسے معلوم ہوا کہ اس بادشاہ کی موت کے حالات مسلمانوں کے نبی صلی اللہ علیہ وسلم پر اتری کتاب میں تفصیل سے درج ہیں۔اسے علم تھا کہ جہاں سے یہ لاش ملی ہے وہ ایک اسلامی ملک ہے چنانچہ تجسس کے ہاتھوں مجبور ہو کر وہ مصر پہنچا۔ وہ ایک سائنسدان تھا اس نے اس معاملے میں مصر کے ہی ایک سائنسدان سے ملاقات کی۔ اس سائنسدان نے قران پاک کھول کر اسے سورہ یونس کی آیات 90 تا 92 کا ترجمہ لفظ بہ لفظ سنایا۔فرعون کا خدائی کا دعوی، اس کا پانی میں ڈوب کر مرنا اور پھر پانی سے نکال کر اس کی لاش کا حنوط ھوجانا اور پھر دوبارہ لاش کا ملنا اور پھر اس کی لاش کو جدید سائنسی دور میں دوبارہ محفوظ کیا جانا ۔ سب کا اشارہ ایک جانب تھا اور بہت واضح تھا۔
"تجھے بعد میں آنے والوں کے لئے عبرت کا نشان بنا دوں گا "
فرعون کی لاش ایسے محفوظ کرکے دنیا کے سامنے لا کر رکھ دی گئی ہے کہ انٹرنیٹ کی ایک کلک پر، رسائل و جرائد پر ، ٹی وی چینلز پر اور عجائب گھر میں اربوں انسانوں کی آنکھوں کے سامنے کریہہ اور پچکی قابل ترس حالت میں موجود ہے۔
عبرت کے لئے
سوچنے کے لئے
کہ
عبادت کے لائق اور ہمیشہ رھنے والا وہی ھے جو سب کا خالق اور رازق ہے۔۔۔
ڈاکٹر مورس نے آیات کا ترجمہ سنا تو اسی وقت پکار اٹھا اللہ سچا ہے قران سچا ہے اور اللہ کا نبی صلی اللہ علیہ وسلم سچا ہے۔۔۔ کلمہ پڑھا اور مسلمان ہوگیا۔۔۔
nazeer ahmed's photo

 

[(‘“*JiĢäR*”’)]

Very Nice Post

 

---

დ∫დ→◄●♥●►↔ǺήĐằŽ~◊Ệ◊~ßάΫǻЙ↔◄●♥●►←დ∫დ

[pakeeza]

niceeeeeeeeeeeeee

 

---

Be Positive... Everything Gonna be Alright

[AisH HuNnY]

 

---

[SIGPIC][/SIGPIC]

SOmetimes The Only Part
Of MY Life I,m Sure About .,
Is The Part
I ShAre With Yew . . ♥

[shazy]

تحریر جا حوالہ بھی دے دیں۔

 

---

Musafir Hoon YaRo