[waheed ahmed]

Deleted by waheed...wo ek masoom sii chaht ...I saw that so many memberz shared this poem already this is why I changed the poem.

 

---

Last edited by waheed ahmed; 10-06-2015 at 08:14 PM..

[waheed ahmed]

Ab is mai jhoot shamil hai
Muhabbat mat kaho is ko……..
Imarat dil ki girnay do
Taalluq toot janay do
K jo deewar apnay bhoj se girnay pe ajaiy
Diay ki lo se us deewar ko phir thamna kaisa
Hawa ka samna kaisa
Bohat kamzor sa such hai
Isay ab bujh hi janay do
Muhabbat mat kaho is ko…….
Samajh lo sardion ki dhoop jaisa such muhabbat hai
Panah-e-zaat ki aghosh mai simtay huay such mai
Ajab si sard mehri hai
K jo thethray huay lafzon ko hiddat day nhi sakti
Sulagti rakh ko atish ki shiddat day nhi sakti
Mager such bolna to hai
Andhera phailna to hai
Ab is se paishter k munjamid taarikian utray
Or apnay nilgon honton ko si ker dhoop sarma ki
Kisi ki bolti ankhon mai chamkay or mar jaiy
Rutain weeran ker jaiy
Usay ab lot janay do
Muhabbat mat kaho is ko……….
Muhabbat mat kaho is ko……..
Ghanairay jangalon k raston ka such muhabbat hai
Sunehri ghass pe soti hui pagdandion ka such
Mujassam bankpan ashjar se lepti hui bailain
K jo apni namo ki gungunahat hi se derti hain
Dabay paon guzarti hain
Unhi ki ajezi ka such muhabbat hai
Mager tehro zara socho!
Ager ye rastay,pagdandian
Mehaz harf-e-tasalli hon
Kisi ki muskurahat hon
Kisi k door jatay bhagtay qadmon ki ahat hon
Hawa ki sarsarahat ho
Ya aisa khwab jis ko akhirash ankhain bhula dalain
Ya aisa khat jisay likhain mager likh ker jala dalain
To phir a humnafas’ye maan lo ye such nhi kio k
Ab is mai jhoot shamil hai
Muhabbat mat kaho is ko…..
Muhabbat mat kaho is ko……..