[waheed ahmed]

رُکو تو تم کو بتائیں، وہ اتنے نازک ہیں
کلی اَکیلے اُٹھائیں، وہ اتنے نازک ہیں

کہا طبیب نے ، گر رَنگ گورا رَکھنا ہے
تو چاندنی سے بچائیں، وہ اتنے نازک ہیں

وُہ بادلوں پہ کمر ’سیدھی رَکھنے کو سوئیں
کرن کا تکیہ بنائیں، وہ اتنے نازک ہیں

وُہ نیند کے لیے شبنم کی قُرْص بھی صاحب
کلی سے پوچھ کے کھائیں، وہ اتنے نازک ہیں

بدن کو دیکھ لیں بادل تو غسل ہو جائے
دَھنک سے خشک کرائیں، وہ اتنے نازک ہیں

سیاہی شب کی ہے چشمِ غزال کو سُرمہ
حیا کا غازہ لگائیں، وہ اتنے نازک ہیں

وُہ دو قدم چلیں پانی پہ ، دیکھ کر چھالے
گھٹائیں گود اُٹھائیں، وہ اتنے نازک ہیں

کلی جو چٹکے تو نازُک ترین ہاتھوں سے
وُہ دونوں کان چھپائیں، وہ اتنے نازک ہیں

سریلی فاختہ کُوکے جو تین مُلک پرے
شکایت اُس کی لگائیں، وہ اتنے نازک ہیں

پسینہ آئے تو دو تتلیاں قریب آ کر
پروں کو سُر میں ہلائیں، وہ اتنے نازک ہیں

ہَوائی بوسہ دِیا پھول نے ، بنا ڈِمپل
اُجالے ، جسم دَبائیں، وہ اتنے نازک ہیں

وُہ گھپ اَندھیرے میں خیرہ نگاہ بیٹھے ہیں
اَب اور ہم کیا بجھائیں، وہ اتنے نازک ہیں

وُہ گنگنائیں تو ہونٹوں پہ نیل پڑ جائیں
سخن پہ پہرے بٹھائیں، وہ اتنے نازک ہیں

وُہ زیورات کی تصویر ساتھ رَکھتے ہیں
یا گھر بلا کے دِکھائیں، وہ اتنے نازک ہیں

کبوتروں سے کراتے تھے بادشاہ جو کام
وُہ تتلیوں سے کرائیں، وہ اتنے نازک ہیں

وُہ پانچ خط لکھیں تو ’’شکریہ‘‘ کا لفظ بنے
ذِرا حساب لگائیں، وہ اتنے نازک ہیں

گواہی دینے وُہ جاتے تو ہیں پر اُن کی جگہ
قسم بھی لوگ اُٹھائیں، وہ اتنے نازک ہیں

بس اِس دلیل پہ کرتے نہیں وُہ سالگرہ
کہ شمع کیسے بجھائیں، وہ اتنے نازک ہیں

وُہ سانس لیتے ہیں تو اُس سے سانس چڑھتا ہے
سو رَقص کیسے دِکھائیں، وہ اتنے نازک ہیں

شراب پینا کجا ، نام جام کا سن لیں
تو جھوم جھوم سے جائیں، وہ اتنے نازک ہیں

نزاکت ایسی کہ جگنو سے ہاتھ جل جائے
جلے پہ خوشبو لگائیں، وہ اتنے نازک ہیں

گھروندے ریت سے ساحل پہ سب بناتے ہیں
وُہ بادلوں پہ بنائیں، وہ اتنے نازک ہیں

جلا کے شمع وُہ جب غُسلِ آفتاب کریں
سفیدی رُخ پہ لگائیں، وہ اتنے نازک ہیں

شکار کرنے کو جانا ہے ، کہتے جاتے ہیں
پکڑنے تتلی جو جائیں، وہ اتنے نازک ہیں

شکاریوں میں اُنہیں بھی جو دیکھیں زَخمی شیر
تو مر تو شرم سے جائیں، وہ اتنے نازک ہیں

اُٹھا کے لاتے جو تتلی تو موچ آ جاتی
گھسیٹتے ہُوئے لائیں، وہ اتنے نازک ہیں

کلی کو سونگھیں تو خوشبو سے پیٹ بھر جائے
مزید سونگھ نہ پائیں، وہ اتنے نازک ہیں

غلام چٹکی نہ سننے پہ مرتے مرتے کہیں
خدارا تالی بجائیں، وہ اتنے نازک ہیں

نکاح خوان کو بس ’’ایک‘‘ بار وَقتِ قُبول
جھکا کے پلکیں دِکھائیں، وہ اتنے نازک ہیں

ہر ایک کام کو مختارِ خاص رَکھتے ہیں
سو عشق خود نہ لڑائیں، وہ اتنے نازک ہیں

اُتار دیتے ہیں بالائی ، سادہ پانی کی
پھر اُس میں پانی ملائیں، وہ اتنے نازک ہیں

وُہ دَھڑکنوں کی دَھمک سے لرزنے لگتے ہیں
گلے سے کیسے لگائیں، وہ اتنے نازک ہیں

وُہ سیر ، صبح کی کرتے ہیں خواب میں چل کر
وَزن کو سو کے گھٹائیں، وہ اتنے نازک ہیں

وَزن گھٹانے کا نسخہ بتائیں کانٹوں کو
پھر اُن کو چل کے دِکھائیں، وہ اتنے نازک ہیں

حنا لگائیں تو ہاتھ اُن کے بھاری ہو جائیں
سو پاؤں پر نہ لگائیں، وہ اتنے نازک ہیں

وُہ تِل کے بوجھ سے بے ہوش ہو گئے اِک دِن
سہارا دے کے چلائیں، وہ اتنے نازک ہیں

کل اَپنے سائے سے وُہ اِلتماس کرتے تھے
یہاں پہ رَش نہ لگائیں، وہ اتنے نازک ہیں

تھکن سے چُور وُہ ہو جاتے ہیں خدارا اُنہیں
خیال میں بھی نہ لائیں، وہ اتنے نازک ہیں

پری نے ہاتھ سے اَنگڑائی روک دی اُن کی
کہ آپ ٹوٹ نہ جائیں، وہ اتنے نازک ہیں

غزل وُہ پڑھتے ہی یہ کہہ کے قیس رُوٹھ گئے
کہ نازُکی تو بتائیں، وہ اتنے نازک ہیں


<(-0-)><(-0-)><(-0-)><(-0-)><(-0-)>


ruko tou tum ko batayeN, wo itne naazuk haiN
kali akele uthayeN, wo itne naazuk haiN

kaha tabeeb ne, ger raNg goura rakhna hai
tou chaandni se bachayeN, wo itne naazuk haiN

wo baadaloN pe kamar seedhi rakhne ko soyeN
kiran ka takiya banayeN, wo itne naazuk haiN

wo neeNd k liye shabnam ki qurs bhi saahib
kali se poch k khayeN, wo itne naazuk haiN

badan ko dekh laiN baadal tou ghusl ho jaaye
dhanak se khushk karayeN, wo itne naazuk haiN

siyaahi shab ki hai chashm_e_ghazaal ko surma
hayaa ko ghaaza lagayeN, wo itne naazuk haiN

wo dou qadam chaleN paani pe, dekh ker chhaalay
ghattayeN goud uthayeN, wo itne naazuk haiN

kali jo chatke tou naazuktareen haathoN se
wo donoN kaan chhupayeN, wo itne naazuk haiN

sureeli faakhta kooke jo teen mulk paray
shikaya us ki lagayeN, wo itne naazuk haiN

paseena aaye tou dou titliyaN qareeb aa ker
paroN ko sur meiN hulayeN, wo itne naazuk haiN

hawayi bosa diya phool ne, bana dimple
ujaale, jism dabayeN, wo itne naazuk haiN

wo ghup andhaire meiN khaira nigah bethe haiN
ab aur hum kia bujhayeN, wo itne naazuk haiN

wo gungunayeN tou hoNtoN pe neel perr jayeN
sukhn pe pehre bethayeN, wo itne naazuk haiN

wo zaiweraat ki tasweer saath rakhte haiN
ya ghar bula k dikhayeN, wo itne naazuk haiN

kabootaroN se karaate thay baadshah ko kaam
wo titliyoN se karayeN, wo itne naazuk haiN

wo paanch khat likheN "shukariya" ka lafz bane
zara hisaab lagayeN, wo itne naazuk haiN

gawaahi dene wo jaate tou haiN per un ki jagah
qasm bhi log uthayeN, wo itne naazuk haiN

bus is daleel pe kerte nahi wo saalgirah
k shama kese bujhayeN, wo itne naazuk haiN

wo saaNs lete haiN tou us se saaNs charrhta hai
sou raqs kese dikhayeN, wo itne naazuk haiN

sharaab peena kuja, naam jaam ka sunn laiN
tou jhoom jhoom se jayeN, wo itne naazuk haiN

nazaakat aesi k jugnoo se haath jal jayeN
jalay pe khushboo lagayeN, wo itne naazuk haiN

gharonday rait se saahil pe sub banate haiN
wo baadaloN pe banayeN, wo itne naazuk haiN

jalaa k shama wo jub ghusl_e_aaftaab kareN
safaidi rukh pe lagayeN, wo itne naazuk haiN

shikaar kerne ko jaana hai, kehte jaate haiN
pakarrne titli ko jaayeN, wo itne naazuk haiN

shikaarioN meiN unheN bhi jo dekheN zakhmi shair
tou mar tou sharm se jayeN, wo itne naazuk haiN

utha k laate haiN jo titli tou moch aa jaati
ghaseette hoye layeN, wo itne naazuk haiN

kali ko soongheN tou khushboo se paitt bhar jaaye
mazeed soongh na payeN, wo itne naazuk haiN

ghulaam chuttki na sunne pe marte marte kaheN
Khudara taali bajayeN, wo itne naazuk haiN

nikah-khwaan ko bus "aik" baar waqt_e_qubool
jhuka k palkeN dikhayeN, wo itne naazuk haiN

her aik kaam ko mukhtaar_e_khaas rakhte haiN
so ishq khud na larrayeN, wo itne naazuk haiN

utaar dete haiN balaayi, saada paani ki
phir us meiN paani milayeN, wo itne naazuk haiN

wo dharrkanoN ki dhamak se larazne lagte haiN
galay se kese lagayeN, wo itne naazuk haiN

wo sair, subah ki kerte haiN khwaab meiN chal ker
wazan ko sou k ghatayeN, wo itne naazuk haiN

wazan ghataane ka nuskha batayeN kaaNtoN ko
phir un ko chal k dikhayeN, wo itne naazuk haiN

hina lagayeN tou haath un k bhaari ho jayeN
sou paaoN per na lagayeN, wo itne naazuk haiN

wo til k bojh se behosh ho gaye ik din
sahaara de k chalayeN, wo itne naazuk haiN

kal apne saaye se wo iltimaas kerte thay
yahaN per rash na lagayeN, wo itne naazuk haiN

thakan se choor wo ho jaate haiN Khudaara unheN
khayaal meiN bhi na layeN, wo itne naazuk haiN

pari ne haath se angrrayi rok di un ki
k aap toott na jayeN, wo itne naazuk haiN

ghazal wo parrhte he ye keh k Qais rooth gaye
k naazuki tou batayeN, wo itne naazuk haiN

 

[PRINCE SHAAN]

بہت خوب ... اتنی اچھی شیئرنگ کے لئے شکریہ