[bint-e-masroor]

میرے مولی تیرا ثانی نہیں سارے زمانے میں
تو ہی ہے قادر مطلق صدا اس کارخانے میں

نہ تجھ کو اونگھ آتی ہے نہ تجھ کو نیند آتی ہے
ہے پھر بھی مرضی تیری ساری دنیا کو سلانے میں

سبھی سوتے سے اٹھتے ہی تیری تسبیح کرتے ہیں
ہے کیسی پراثر دعوت موذن کے جگانے میں

تیری حمد و ثنا کرتے ہیں طائر اپنی بولی میں
کہ تو ہی تو کے گن گاتے ہیں یہ سب چہچہانے میں

سلیمان کو جہاں پر تو نے بادشاہی دی ہے
تو ہی تھا اس کے عالی تخت کو اوپر اڑانے میں

ہیں کرتے رات دن تیری بغاوت یہ تیرے بندے
لگا ہے پھر بھی تو سب کو جہنم سے چھڑانے میں

خدایا معاف کردے تو فہد کی بھی خطائیں سب
کہ تیرا حق ادا نہ کر سکا وہ اس ترانے میں

میرے مولا تیرا ثانی نہیں سارے زمانے میں
تو ہی ہے قادر مطلق صدا اس کارخانے میں




لنک