[Sultan Sulman]

"BIDDAT KI TAREEF"

Koi bhi kaam neki samaj kar sawaab ki niyyat se kiya jaye, jiske karne ka hukm, na Allah ke kalaam yani quran-e-kareem me maujood ho, na Nabi(saw) ki Sunnat yani Hadees-e-Mubaraka me maujood ho aur na hi Sahaba(ra) ke tarikhe me maujood ho, usko BIDDAT kehte hai.

Wo Biddat-e-Muqaffirat yani jo BIDDAT, insan ko KUFAR tak le jati hai ya Biddat-e-Ghair Muqaffirat ho, koi bhi BIDDAT ho, isko karne wale ko JAHANNAM me le jati hai.

Har wo amal jise neki samaj kar sawab ki niyyat se kiya jaye, jiske karne ka saboot shariyat me maujud nahi, wo BIDDAT keh lata hai.

Yaad rahe ke shariyat wo hai jo sirf Allah ka Quran aur Aap(saw) ka farman hai, jis par sahaba(ra) ne amal kiya aur Allah unse raazi ho gaya aur wo Allah se raazi ho gaye.

Agar Allah ko raazi karna ho toh shariyat par utna amal karo aur wo raasta apnao jo Aap(saw) aur Sahaba ka raata hai, yani SALAF ka raasta.

Aap(saw) ne farmaya: jisne Hamare is DEEN me apni taraf se koi nayi cheez paida ki, jo is me se nahi hai toh wo MARDOOD hai (yani wo DEEN se kharij hai), har nayi cheez (jo DEEN me paida ho) BIDDAT hai aur har BIDDAT, gumrahi hai aur har gumrahi, JAHANNAM me lee jaati hai.
>Bukhari-2696, Muslim-1718,
Nasai-3/188

BIDDAT jo hai, ye SHIRK ke baad sab se boori aur qhatarnaak hai. SHIRK aur BIDDAT se bacho aur TAWHEED aur SUNNAT ka ilm hasil karo.

Aap(saw) ne farmaya: jisne BIDDATI ka saath diya (uski izzat ki), usne DEEN ko giraa ne me madad ki (usne ISLAM ko gira diya).
>Baihaqi

Aap(saw) ne farmaya: jisne BIDDATI ko PANAH di, us par Allah ki LAANAT barasti hai.
>Muslim-4876

Aap(saw) ne farmaya: Allah BIDDATI ki namaz, roza, haj, zakat, kisi bhi amal ko kabool nahi karta.
>ibn Majah-49

Aap(saw) ne farmaya: Allah BIDDATI se tauba ki taufeeq cheen leta hai.
>Tabrani

Yani usko tauba ka mauka hi hasil nahi hota, kyu ke wo in BIDDATO ko neki samaj kar, kar raha hota hai, wo mar te dam tak tauba nahi karta, isliye tamam BIDDATO se bacho