Lo aao k raaz e pinhaan ko ruswaa e hikayat karta hoon
Damaan e zabaan e khamoshi ko labraiz shikayat karta hoon
Ghabra k hojoom ghum sey aaj afshaan afshaa e haqeeqat karta hoon
Izhaar ki jurrat karta hoon
Main Tum Sey Mohabbat Karta Hoon
Jab raat ki bekas tanhaai mein, aap ko tanha paata hoon!
Main barabt e dill sey soz o gudaaz ishq k naghme gata hoon
Itna tu bata do tum bhi mujhe, kiya main bhi kabhi yaad aata hoon!
Batlaao k minnat karta hoon
Main tum sey mohabbat karta hoon
Gar hukm do roshan taaron ko main la k jhuka doon qadmon per
Jannat k shagufta pholon ki jannat si basa doon qadmon per
Sajda gah e mehr o mah ko bhi sajdey main gira doon qadmon per
Nacheez hoon himmat karta hoon
Main Tum Sey Mohabbat Karta Hoon