MeraForum Community.No 1 Pakistani Forum Community - Slimjet Windows K Liye Aik Taqatwar Browser

سِلم جیٹ، ونڈوز کے لیے ایک طاقت ور براؤزر

http://www.computingpk.com/wp-conten...ds/slimjet.png

سبھی کو ایک ایسے براؤزر کی ضرورت ہوتی ہے جو تیز رفتار ہو، اس میں ویب سائٹس جلد کھلیں اور اس میں کئی مفید فیچرز موجود ہیں۔ ان تمام خصوصیات پر پورا اُترتا ہے
’’سِلم جیٹ‘‘
(Slimjet)
براؤزر۔ اس میں بِلنک
(Blink)
انجن استعمال کیا گیا ہے جو کہ تیز رفتار براؤزنگ کو ممکن بناتا ہے۔ اسے آپ کسی بھی براؤزر کے متبادل کے طور پر استعمال کر سکتے ہیں۔ فائرفوکس ہو یا گوگل کروم آپ اس کا مقابلہ کسی بھی ةبراؤزر سے کر سکتے ہیں۔ سلم جیٹ کے فیچرز کا تذکرہ کیا جائے تو ان کی ایک لمبی فہرست ہے، آئیے آپ کو اس کے چند چیدہ چیدہ فیچرز کے بارے میں بتاتے ہیں۔

فیس بک شیئرنگ کی شمولیت

آج کل چونکہ ہم ہر وقت فیس بک پر کچھ نہ کچھ شیئر کرتے رہتے ہیں، اس لیے اس میں پہلے سے فیس بک بٹن شامل کیا گیا ہے، تاکہ آپ کوئی بھی ویب پیج یا تصویر فوراً ہی فیس بک پر شیئر کر سکیں۔

فوٹو ایڈیٹنگ

اس میں فوٹو ایڈیٹر بھی موجود ہوتا ہے، کوئی بھی تصویر اپ لوڈ کرنے سے پہلے آپ اس پر خوبصورت ایفیکٹس اور فریم بھی لگا سکتے ہیں

http://www.computingpk.com/wp-conten...ncement-03.jpg

اپ لوڈ کرنے کے لیے تصویر ری سائز

تصویریں کہیں بھی اپ لوڈ کرنے میں زیادہ وقت اس لیے لیتی ہیں کہ ان کا سائز بہت زیادہ ہوتا ہے، لیکن سلم جیٹ براؤزر میں آپ ایک سائز منتخب کر سکتے ہیں، اس کے بعد جب بھی تصویر اپ لوڈ کریں گے وہ خود بخود ری سائز کر دی جائے گی۔

وڈیو ڈاؤن لوڈنگ

اس براؤزر میں یوٹیوب سے وڈیوز کو ڈاؤن لوڈ کرنے کا فیچر بھی شامل کیا گیا ہے، اس کے علاوہ آپ کسی بھی وڈیو سے صرف آڈیو بطور MP3 بھی ڈاؤن لوڈ کر سکتے ہیں۔

ایکسٹینشن، پلگ اِن، تھیم سپورٹ

اس براؤزر میں کروم براؤزر کے ایکسٹینشن، پلگ اِن اور تھیم کی سپورٹ بھی موجود ہے۔ یعنی کروم کے لیے تیار کیے گئے ایکسٹینشن آپ اس براؤزر میں بھی انسٹال کر سکتے ہیں۔
اس کے علاوہ اس میں فارم بھرنے، زبانوں کے ترجمے، ویب لنکس کو مختصر بنانا یعنی لنک شارٹنر اور موسم کا احوال جیسے کئی بہترین فیچرز موجود ہیں۔

دستیابی: مفت
مطابقت: ونڈوز، لینکس

ڈاؤن لوڈ کریں