[LAMS]

men apne bare men kia likhun gha
kay mere chehre pe mosamon ne
ajeeb naqshe bana diey hen
kay meri ankhon pe ratjagon ne
dabez kheme laga liey hen
meri who palken kay jin pe tujh ko
guman e abar e jamil hota tha
jal bujhi hen
meri who palken hawa se hare
khizan kay mare
odaas sukhe naheef patte ki misil chehre pe reh gae hen
aey khush nazar jo teri nazar men aqeeq lub the
onhen judai ki dard rut men
khamoshion ki azab bhatti men
hijir kay sholon ne phunk dala
tum hi batao
kay zard mausam ki gard tehni pe konpalen kub hari howi hen
so jan rakho
kay meri ankhon ki jis chamak men
hazar jugnu karor tare tumhen chamakte dikhai dete the
ab waha par bujhe howe do diey pare hen
joh ate jate kisi musafir ki
aek thokar kay muntazir hen

 

---