|
زمانے کا نوحہ لکھو
http://img1.imagehousing.com/0/pics-179482.jpg زمانے کا نوحہ لکھو تم جو کہتے ہو چھوڑو محبت کی باتیں زمانے کا نوحہ لکھو بھوک پر ،ظلم پر ،بے حسی پر لکھو ۔۔۔۔۔۔۔۔۔۔ تم نے دیکھی نہیں ۔۔۔۔۔۔۔۔۔۔ہجر کی مار کھائی ہوئی لڑکیاں زیب و زینت کو یکسر بھلائے ہوئے بات بے بات روتی ہوئی سٹپٹاتی ہوئی ہاسٹل کے درو بام کو گھورتی ہوٹلوں اور کیفوں کی پچھلی نشستوں پہ ویران آنکھیں لئے دور تکتی ہوئی چرس پیتی ہوئی ادھ مری لڑکیاں ۔۔۔۔۔۔۔۔۔۔۔۔۔۔۔۔۔۔۔ تم نے دیکھی نہیں وہ حیازاد یاں ۔۔۔۔۔دن کی شہزادیا ں گھر کے دالان میں مسکراتی ہوئی رات کی داسیاں خود کشی کے ارادے کو باندھیں کبھی توڑ ڈالیں کبھی اماں ابا کی عزت بچاتی ہو ئی باوفا بیٹیاں ۔۔۔۔۔۔۔۔۔۔۔۔۔۔ شوہروں کے دلوں کو رجھاتی ہوئی رات بستر کو نوحے سناتی ہوئی اشک تکیے پہ ٹپ ٹپ گراتی ہوئی تلملاتی ہوئی ،خوبرو بیگمیں ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ تم نے دیکھے نہیں سرو جیسے جواں شاہزادے بلکتے ہوئے سسکیوں ہچکیوں سے زمیں آسماں کو ہلاتے ہوئے ۔۔۔۔۔۔۔۔۔۔۔۔۔۔ تم نے دیکھے نہیں سن رسیدہ زن و مرد جو جی رہے ہیں کہ جینے پہ مجبور ہیں سالہا سال سے کتنے ناسور دل میں چھپائے ہوئے گہری ٹیسیں بدن میں دبائے ہوئے زندگی کے ڈرامے کے کردار کو جیسے تیسے نبھاتے ہوئے مسکراتے ہوئے کھوکھلے قہقہوں میں چھپے کرب کو تم نے سمجھا نہیں |
| All times are GMT +5. The time now is 08:33 AM. |
Powered by vBulletin®
Copyright ©2000 - 2024, Jelsoft Enterprises Ltd.